11 مارچ ، 2020 
پنجاب میں کورونا وائرس کا کوئی بھی کیس رپورٹ نہیں ہوا، وزیر صحت
11 مارچ ، 2020
لاہور: وزیرصحت پنجاب ڈاکٹر یاسمین راشد کی سربراہی میں کورونا وائرس کے حوالے سے اجلاس ہوا جس میں انہوں نے ائیرپورٹس پرمسافروں کی اسکریننگ کے عمل کی مانیٹرنگ مزید سخت کرنے کی ہدایت کی۔
اجلاس میں کورونا وائرس سے پیدا صورتحال، احتیاطی تدابیر اور حفاظتی اقدامات کا جائزہ لیا گیا۔
وزیر صحت پنجاب یاسمین راشد نے کہا کہ عوام کو کورونا وائرس سے محفوظ رکھنے کیلئے حفاظتی انتظامات کو یقینی بنایا جارہا ہے، پنجاب میں کورونا وائرس کا کوئی بھی کیس رپورٹ نہیں ہوا، پنجاب میں کورونا وائرس کے تمام مشتبہ کیسز کے نتائج منفی آئے ہیں۔
انہوں نے بتایا کہ پنجاب کے سرکاری اسپتالوں میں ڈاکٹرز، نرسز اور پیرامیڈیکل اسٹاف کی تربیت جاری ہے، عوام احتیاطی تدابیر پر سختی سے عمل درآمد کرتے ہوئے بار بار ہاتھ دھوئیں۔
ڈاکٹریاسمین راشد نے کہا کہ محکمہ پرائمری اینڈ سیکنڈری ہیلتھ کیئر میں قائم کنٹرول روم 24 گھنٹے صورتحال مانیٹر کررہا ہے۔
پاکستان میں اب تک کورونا کے 20 کیسز سامنے آچکے ہیں جن میں سے سندھ سے 15 (کراچی 14، حیدرآباد 1)، اسلام آباد اور گلگت بلتستان سے 2،2 جب کہ کوئٹہ سے ایک کیس سامنے آچکا ہے۔
مزید خبریں :
ہارٹ اٹیک اور ذیابیطس جیسے امراض سے بچانے کیلئے بہترین غذا
03 نومبر ، 2024
دودھ کو ابال کر نہ پینےکے کیا نقصانات ہیں؟
03 نومبر ، 2024
موسم سرما میں قوت مدافعت کو بڑھانے والی غذائیں
02 نومبر ، 2024
ملک میں پولیو وائرس کے مزید 2 کیسز سامنے آگئے، تعداد 45 ہوگئی
02 نومبر ، 2024
خراٹوں سے دماغی تنزلی کا خطرہ بڑھتا ہے، تحقیق
01 نومبر ، 2024
جگر کو نقصان پہنچنے کی 5 سب سے بڑی ابتدائی نشانیاں
01 نومبر ، 2024
کیا ہفتے میں ایک بار ورزش کرنے سے صحت کو فائدہ ہوتا ہے یا نہیں؟
31 اکتوبر ، 2024
