ڈرو نہ ڈرو نہ ڈرو نہ، کورونا سے مل کر سب لڑو ناں: ڈی سی حافظ آباد کا وکھرا انداز

کورونا وائرس کی روک تھام اور عالمگیر وبا کے حوالے سے آگاہی کے لیے جہاں دنیا بھر میں مختلف انداز اپنائے جا رہے ہیں وہیں اس حوالے سے انوکھے گانے بھی سامنے آ رہے ہیں۔

پہلے بھارت میں کچھ خواتین نے کورونا کے حوالے سے ایک گایا اور پھر بھارتی ریاست کیرلا کی پولیس نے بھی کورونا کے حوالے سے چہروں پر ماسک پہن کر ڈانس کے ذریعے عوام کو ہاتھ دھونے کا طریقہ سمجھانے کی کوشش کی جو سوشل میڈیا پر خوب وائرل ہوئی۔

کورونا وائرس کی روک تھام کے لیے پاکستان میں بھی حکومتی سطح پر حفاظتی اقدامات اٹھائے جا رہے ہیں اور مختلف شہروں میں پمفلٹس بھی تقسیم کیے جا رہے ہیں۔

بھارتی پولیس کی کورونا سے بچاؤ کیلیے انوکھی آگاہی مہم، ویڈیو وائرل

بھارت میں کچھ خواتین نے کورونا سے متعلق ایک گانا بھی گایا تھا جو سوشل میڈیا پر خوب وائرل ہوا تھا۔

موذی مرض کے حوالے سے عوام میں آگاہی کے لیے جہاں مختلف طریقہ کار اپنائے جا رہے ہیں وہیں پنجاب کے ضلع حافظ آباد کے ڈپٹی کمشنر نوید شہزاد کی جانب سے عوام کے لیے بنایا گیا پیغام بھی بہت مقبول ہو رہا ہے۔

ڈی سی نوید شہزاد نے ایک پرانے گانے کے میوزک کے ساتھ اپنی آواز میں کورونا کے حوالے سے گانا “ ڈرو نہ، ڈرو نہ ڈرو نہ، کورونا سے مل کر سب لڑو ناں “ گایا جسے سوشل میڈیا صارفین کی جانب سے بھی بہت پسند کیا جا رہا ہے۔