20 مارچ ، 2020 
ایپل نے کورونا وائرس کے سبب آن لائن فروخت محدود کر دی
20 مارچ ، 2020
مقبول ٹیکنالوجی کمپنی ایپل نے کورونا وائرس کے سبب اپنی آن لائن فروخت محدود کر دی۔
ایپل ویب سائٹ کے مطابق کمپنی نے چین اور امریکا سمیت کئی ممالک میں اپنی آن لائن فروخت محدود کرنے کا فیصلہ کیا ہے جس کے تحت خریدار کو صرف دو آئٹمز لینے کی اجازت ہوگی۔
اس فیصلے کا اطلاق آئی فون 8، آئی فون 8 پلس، آئی فون ایکس آر، آئی فون 11، آئی فون 11 پرو اور آئی فون الیون میکس کے ماڈلز سمیت دیگر ڈیوائسز پر ہوگا۔
کمپنی کے مطابق پوری دنیا میں کورونا وائرس پھیلنے کے باعث ایپل ڈیوائسز کی فراہمی کا سلسلہ متاثر ہوا ہے جس کے باعث یہ قدم اٹھایا جا رہا ہے۔
یعنی اب صارفین کو ایک وقت میں صرف دو ڈیوائسز آن لائن آرڈر کرنے کی سہولت میسر ہو گی۔
اس سے قبل یہ قدم 2007 میں اٹھایا گیا تھا تاکہ خریدار درجنوں آئی فون خرید کر ری سیل نہ کریں۔
واضح رہے کہ عالمی وبا کورونا کے باعث ایپل کمپنی نے مختلف ممالک میں اپنے اسٹورز بند رکھے ہیں مگر آن لائن خرید جاری ہے ، اس کے علاوہ کمپنی نے اپنے ملازمین کو گھر بیٹھے کام کرنے کی ہدایت کی ہے۔
ایپل سمیت دیگر ٹیکنالوجی کمپنیوں نے بھی گھر بیٹھے کام کرنے کی ہدایت کی ہے۔
خیال رہے کہ دنیا بھر میں کورونا وائرس سے ہلاکتیں 10 ہزار سے تجاوزکر گئی ہیں جب کہ اموات کے اعتبار سے اٹلی چین سے بھی آگے نکل گیا ہے۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
بھارت نے واٹس ایپ پر 7 ارب روپے سے زائد کا جرمانہ عائد کردیا
19 نومبر ، 2024
واٹس ایپ گروپس کے لیے ایک بہترین فیچر متعارف
17 نومبر ، 2024
یوٹیوب شارٹس کے لیے ایک نیا اے آئی ٹول متعارف
17 نومبر ، 2024
