14 مارچ ، 2020 
ایپل نے چین میں کورونا وائرس کے باعث تمام بند اسٹورز کھول دیئے
14 مارچ ، 2020
معروف امریکی ٹیکنالوجی کمپنی ایپل نے چین میں کورونا وائرس کے باعث گزشتہ ماہ بند کئے گئے تمام 42 اسٹورز کھول دیئے۔
چین ایپل کمپنی کی تیسری سب سے بڑی مارکیٹ ہے جہاں کمپنی نے کورونا وائرس کے پھیلاؤ کی وجہ سے ایک کے بعد ایک اپنے اسٹورز بند کرنا شروع کردیئے تھے۔
بعد ازاں ایپل نے گزشتہ ہفتے چین میں اپنے 38 اسٹورز کھولنا شروع کر دیئے تھے اور اب کمپنی کے ترجمان کے مطابق انہوں نے اپنے چار مزید اسٹورز کھول دیئے ہیں۔
دوسری جانب اٹلی میں کورونا وائرس کے پھیلاؤ کی وجہ سے امریکی کمپنی ایپل اٹلی میں اپنے 17 اسٹورز بند کرنے پر مجبور ہو گئی۔
علاوہ ازیں ایپل نے اس ہفتے اپنے کئی دفاتر میں ملازمین کو گھر بیٹھے کام کرنے کی بھی ہدایت کی ہے۔
خیال رہے کہ چین میں64 ہزار افراد کےصحت یاب ہونے کے بعد کورونا کے زیر علاج مریضوں کی تعداد 13ہزار 486 رہ گئی ہے جب کہ اٹلی میں کورونا وائرس کے مریضوں کی تعداد 14 ہزار 955 تک پہنچ گئی ہے جو چین سے بھی زیادہ ہے۔
دوسری جانب اٹلی میں اب تک ایک ہزار 266 افراد کورونا وائرس کے باعث ہلاک ہو چکے ہیں۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
بھارت نے واٹس ایپ پر 7 ارب روپے سے زائد کا جرمانہ عائد کردیا
19 نومبر ، 2024
واٹس ایپ گروپس کے لیے ایک بہترین فیچر متعارف
17 نومبر ، 2024
یوٹیوب شارٹس کے لیے ایک نیا اے آئی ٹول متعارف
17 نومبر ، 2024
