کورونا: فیس بک کے بانی کا ہیلتھ ورکرز کو لاکھوں ماسک دینے کا اعلان

سماجی رابطوں کے مقبول ترین پلیٹ فارم فیس بک کے بانی مارک زکربرگ نےکورونا وائرس کے مریضوں کا علاج کرنے والے ہیلتھ ورکرز کو 7 لاکھ 20 ہزار ماسک دینے کا اعلان کیا ہے۔

غیر ملکی خبر رساں ادارے کے مطابق مارک زکر برگ کا کہنا ہے کہ 'کورونا وائرس کے مریضوں کے علاج میں سرگرم عملے کو اپنی حفاظت کے لیے ماسک کی ضرورت ہے اور ان کی مدد کرنے کے لیے کمپنی نے ایمرجنسی کے لیے خریدے گئے 7 لاکھ 20 ہزار ماسک دینےکا اعلان کیا ہے'۔

مارک زکربرگ نے مزید کہا کہ ہم مزید عطیات دینے کے لیے کام کر رہے ہیں اور مجھے امید ہے کہ آپ سب صحت مند اور محفوظ ہوں گے۔

کورونا وائرس: بانی فیس بک کی عالمی ادارہ صحت کو مفت اشتہارات کی پیشکش

کورونا وائرس سے متعلق عالمی ادارہ صحت جتنے چاہے اشتہارات فیس بک پر چلا سکتا ہے: مارک زکر برگ

واضح رہے کہ خطرناک عالمی وبا کے پیشِ نظر اس سے قبل ایپل کمپنی کے سربراہ نے امریکا میں لاکھوں ماسک عطیہ کیے تھے جب کہ آن لائن شاپنگ کی ویب سائٹ علی بابا کے بانی نے بھی متعدد ماسکس، ٹیسٹ کٹس ، وینٹی لیٹرز اوردیگر میڈیکل سپلائیز عطیہ کی تھیں۔

دنیا بھرمیں کورونا کی صورتحال

خیال رہے کہ خطرناک کورونا وائرس سے دنیا بھر میں ہلاکتیں ساڑھے 14 ہزار تک پہنچ چکی ہیں جب کہ وائرس سے متاثرہ افرادکی تعداد 3 لاکھ سے زائد ہے۔