24 مارچ ، 2020 
کورونا وائرس :اسٹیٹ بینک نے شرح سود میں ڈیڑھ فیصد کمی کردی
24 مارچ ، 2020
اسٹیٹ بینک نے شرح سود میں ڈیڑھ فیصد کمی کا اعلان کیا ہے جس کے بعد ملک میں شرح سود 11فیصد پر آگئی ہے۔
اسٹیٹ بینک کی جانب سے جاری بیان میں کہا گیا ہے کہ زری پالیسی کمیٹی (ایم پی سی) نے شرح سود 150 بیسز پوائنٹس کم کرنے کا فیصلہ کیا ہے جس کے بعد شرح سود 11فیصد ہوگئی ہے۔
اسٹیٹ بینک نے اپنے بیان میں شرح سودمیں کمی کاسبب کوروناوائرس سےملکی معیشت کودرپیش خدشات کوبتایا ہے۔
مرکزی بینک کا کہنا ہے کہ اس نے کورونا وائرس کے دنیا بھر کی معیشت کی غیر یقینی صورتحال اور اس کے پاکستان پر اثرات پر نظر رکھی ہوئی ہے۔
اسٹیٹ بینک کے مطابق ایم پی سی کے اجلاس کے دوران اس بات پر بھی تبادلہ خیال کیا گیا کہ ملک میں مہنگائی اور شرح نمو کے آؤٹ لک (مستقبل کے منظر نامے) کے پیش نظر زری پالیسی میں مزید تبدیلی ہوسکتی ہے۔
خیال رہے کہ رواں ماہ 17 مارچ کو اسٹیٹ بینک نے شرح سود 75 بیسز پوائنٹس کم کر کے 12.50 فیصد کردی تھی۔
شرح سود میں مزید کمی کرنی چاہیے، کراچی چیمبر آف کامرس
اس حوالے سے کراچی چیمبر آف کامرس کے صدر آغا شہاب کا کہنا ہے دنیا بھر میں شرح سود منفی میں جا چکی ہے، اس لیے پاکستان میں بھی شرح سود میں مزید کمی کرنی چاہیے تھی تاکہ کاروبار چل سکے۔
آغا شہاب کا مزید کہنا تھا کہ کورونا سے پہلے بھی کساد بازاری تھی،ایکسپورٹرز کے جتنے پیسے ہیں وہ ریفنڈ کرنے چاہئیں۔
مزید خبریں :
روپےکے مقابلے میں ڈالر کی قدر میں اضافہ ہوگیا
3 گھنٹے پہلے
سونے کی قیمت میں اضافے کے بعد دوبارہ کمی ہوگئی
3 گھنٹے پہلے
نیپرا نے کراچی والوں کیلئے بجلی مزید مہنگی کردی
7 گھنٹے پہلے
انٹربینک میں ڈالر کی قدر میں معمولی اضافہ
04 نومبر ، 2024
ملک میں سونےکی قیمت میں اضافہ ہوگیا
04 نومبر ، 2024
پی ایس ایکس 100 انڈیکس نے 92 ہزار کی نئی تاریخی حد کو چھو لیا
04 نومبر ، 2024
