وزیراعظم نے کہا گھبرانا نہیں پھر بھی کمسن بچہ 'گھبرا گیا'

کورونا وائرس کے معاملے پر وزیراعظم عمران خان قوم سے کہہ چکے ہیں کہ ’’گھبرانا نہیں ہے‘‘ لیکن ایک کمسِن بچے کا کہنا ہے کہ وہ گھبرا رہا ہے۔

خیال رہے کہ وزیراعظم عمران خان ہر معاملے میں اپنے خطاب یا تقریر میں اکثر یہ کہتے ہیں کہ قوم نے گھبرانا نہیں ہے ہم مشکل وقت سے نکل جائیں گے۔

تاہم اب ایک بچے کی ویڈیو وائرل ہوئی ہے جس میں وہ کہہ رہا ہے کہ 'میں گھبرا رہا ہوں'۔

کورونا وائرس کو پھیلنا ہے، عوام احتیاط کریں: وزیراعظم عمران خان

آپ نے گھبرانا نہیں ہے، ہم یہ جنگ جیتیں گے، ہم شہر بند کردیتے ہیں تو لوگ بھوک سے مرجائیں گے: وزیراعظم کا کورونا وائرس سے متعلق قوم سے خطاب

ویڈیو میں بچہ کہہ رہا ہے کہ جب وہ اپنے ارد گرد اور دنیا میں لوگوں کو گھبراتا ہوا دیکھتا ہے تو وہ بھی گھبراتا ہے، جب اللہ کے گھر میں سناٹا دیکھتا ہے تو گھبراتا ہے۔

بچے نے مزید کہا کہ جب وہ پابندی کے باوجود گھر کی کھڑکی سے لوگوں کو باہر گھومتا دیکھتا ہے تو گھبراتا ہے، دکانوں میں لوگوں کو سامان کے لیے لڑتا دیکھتا ہے تو گھبراتا ہے۔