27 مارچ ، 2020 
ہیپاٹائس سی کی دوا سے کورونا کے 11 مریضوں کی صحتیابی کا دعویٰ
27 مارچ ، 2020
چین میں ہیپاٹائٹس سی کیخلاف استعمال کی جانے والی دوائی سےکورونا وائرس کے 11 مریض صحت یاب ہونےکا دعویٰ کیا جا رہا ہے۔
چینی فارماسیوٹیکل کمپنی کی ٹیم کے مطابق ہیپاٹائسس سی کے خلاف استعمال کی جانے والی دوائی کورونا وائرس کے مریضوں کوصحت یاب کرنے میں معاون ہے۔
سائنسدانوں کا کہنا ہے کہ ہیپاٹائسس سی کے لیے گونوو کے نام سے فروخت ہونے والی دوائی کو ایچ آئی وی کے لیے استعمال کی جانے والی ایک دوائی کے ساتھ ملا کر کوویڈ -19 سے متاثرہ 11 افراد کو دی گئی تھی۔
سائنسدانوں نے یہ نتیجہ اخذ کیا کہ اس دوائی نے شدید مضر اثرات پیدا نہیں کیے اور یہ محفوظ ہے جس سے انہیں ایک امید کی کرن نظر آئی ہے۔
خیال رہے کہ گزشتہ سال چین سے دنیا بھر میں پھیلنے والے خطرناک کورونا وائرس کی ویکسین تیار کرنے کے لیے سائنسدان دن رات کوششوں میں لگے ہوئے ہیں۔
اس ضمن میں عالمی ادارہ صحت کا کہنا ہے کہ جون 2021 سے پہلے کورونا وائرس کی ویکسین نہیں ہو سکتی۔
واضح رہے کہ دنیا بھر میں کورونا وائرس سے 24 ہزار سے زائد ہلاکتیں ہو چکی ہیں جب کہ متاثرہ مریضوں کی تعداد 5 لاکھ سے تجاوز کر چکی ہیں۔
مزید خبریں :
بھارتی فضائیہ کا جنگی طیارہ دوران پرواز گرکر تباہ
04 نومبر ، 2024
امریکا، پاکستان اور بھارت، کس ملک کے صدر کی تنخواہ کتنی ہے؟
04 نومبر ، 2024
