کورونا وائرس: ڈیزائنر عاصم جوفا نے میڈیکل ورکرز کیلیے حفاظتی لباس تیار کر لیا

دنیا بھر میں تیزی سے پھیلنے والے خطرناک کورونا وائرس کے پھیلاؤ کو روکنے کے لیے ہر انسان اپنی اپنی استطاعت کے مطابق حصہ لے رہا ہے۔

متعدد معروف شخصیات کی جانب سے جہاں مستحق افراد کی مدد کرنے کے لیے مفت راشن تقسیم کیا جا رہا ہے تو وہیں مقبول ترین پاکستانی ڈیزائنر عاصم جوفا نے بھی اس کارِ خیر میں اپنا حصہ ڈالنے کے عزم کا اعادہ کیا ہے۔

کورونا وائرس: مایا علی نے نادار افراد کو راشن پہنچانے کا بیڑا اٹھا لیا

مایا علی کے ساتھ کار خیر میں ان کی دوست و مشہور ڈیزائنر فائزہ سقلین بھی حصہ لے رہی ہیں۔

اس ضمن میں ڈیزائنر عاصم جوفا کی جانب سے ایک ویڈیو شیئر کی گئی جس میں انہوں نے کورونا وائرس کے خلاف فرنٹ لائن میڈیکل ورکرز کے لیے حفاظتی لباس بنا کر مفت دینے کا اعلان کیا ہے۔

ڈیزائنر عاصم جوفا نے اپنے پیغام میں کہا کہ 'آج میں آپ سب کے پاس ایک چھوٹا سا مشن لے کر آیا ہوں اور وہ مشن یہ ہے کہ ہم ڈاکٹرز، میڈیکل اسٹاف اور فرنٹ لائن میڈیکل ورکرز جو ہمارے لیے لڑ  رہے ہیں ان کے لیے سیلف پروٹیکشن سوٹ (حفاظتی لباس) تیار کریں گے'۔

عاصم جوفا نے اپنے ویڈیو پیغام میں مزید کہا کہ 'ہم ان حفاظتی لباس کو تیار کر کے اسے مفت میں تقسیم کرنا چاہتے ہیں'۔

کورونا وائرس کے مریضوں کا علاج کرنے والوں کو پوری قوم کا خراج تحسین

دوسروں کی خاطر خود کو خطرے میں ڈالنے والے ڈاکٹرز، نرسز اور طبی شعبے سے وابستہ ہر شخص کو خراج تحسین پیش کرنے کے لیے ملک بھر میں سفید پرچم لہرائے گئے۔

ان کا مزید کہنا تھا کہ مجھے آپ تمام لوگوں کی دعاؤں کی ضرورت ہے اور  میرے اس پیغام کو جتنا ہو سکے شیئر کریں تاکہ حکام ہمیں ان چیزوں پر کام کرنے کی اجازت دیں۔

خیال رہے کہ چند روز قبل ملک بھر میں تمام لوگوں کی جانب سے کورونا وائرس کے خلاف لڑنے والے فرنٹ لائن میڈیکل ورکرز کو خراجِ تحسین پیش کرنے کے لیے سفید جھنڈے بھی لہرائے گئے تھے۔

پاکستان میں کورونا کی صورتحال

سندھ، خیبر پختونخوا، گلگت بلتستان اور آزاد کشمیر کورونا میں کورونا وائرس کے مزید کیسز سامنے آنے کے بعد پاکستان میں وبا سے متاثرہ مریضوں کی تعداد 1542 تک پہنچ گئی ہے جب کہ مزید تین افراد کی ہلاکت کے بعد ملک میں وائرس سے جاں بحق افراد کی تعداد 15 ہو گئی ہے۔

کورونا سے سندھ اور کے پی میں مزید 3 افراد جاں بحق، پاکستان میں اموات 15 ہو گئیں

سندھ، خیبر پختونخوا، اسلام آباد، گلگلت بلتستان اور آزاد کشمیر میں نئے کیسز رپورٹ ہونے کے بعد ملک میں متاثرہ افراد کی مجموعی تعداد 1542 ہو گئی

گزشتہ روز رات 12 بجے تک ملک میں کورونا سے متاثرہ افراد کی تعداد 1496 تھی لیکن ملک کے مختلف حصوں میں نئے کیسز سامنے آنے کے بعد یہ تعداد 1542 تک پہنچ گئی ہے۔