کورونا میں مبتلا مریض کو سفر کی غلط معلومات دینے پر قید کی سزا

چین میں کورونا وائرس میں مبتلا شہری کو بیرون ملک سفر کے بارے میں غلط معلومات دینے پر 18 ماہ قید کی سزا سنادی گئی۔

رپورٹس کے مطابق کورونا وائرس میں مبتلا چینی شہری نے یکم مارچ کو بیجنگ سے اٹلی کے شہر میلان کا سفر کیا تھا جس کے بعد وہ 7 مارچ کو واپس چین پہنچا تھا۔

امریکا میں ایک ہی روز میں ہزار سے زائد اموات، دنیا میں ہلاکتیں 47 ہزار سے بڑھ گئیں

کورونا وائرس سے دنیا بھر میں 9 لاکھ 36 ہزار سے زائد افراد اب تک متاثر ہو چکے ہیں، صرف امریکا میں مریضوں کی تعداد 2 لاکھ 15 ہزار سے زیادہ ہو چکی ہے۔

چینی شہری نے وطن واپسی پر اپنے آبائی شہر جانے کے لیے ٹرین کا بھی سفر کیا تھا جس کے بعد شہری سے قریبی رابطہ رکھنے والے 40 سے زائد افراد کو قرنطینہ میں بھی رہنا پڑا تھا۔

مقامی عدالت نے شہری کو غلط معلومات دینے پر 18 ماہ قید کی سزا سنا دی ہے۔

خیال رہے کہ اٹلی میں اب تک کورونا وائرس سے 13 ہزار سے زائد افراد ہلاک ہوچکے ہیں جبکہ ہزاروں افراد مہلک وائرس سے متاثر ہیں۔

چین سے پھیلنے والے اس مہلک وائرس سے دنیا میں اب تک 10 لاک سے زائد افراد متاثر ہوئے ہیں جن میں سے 55 ہزار افراد موت کے منہ میں جاچکے ہیں۔