06 اپریل ، 2020 
کراچی: ایک گلی میں 9 افراد میں کورونا کی تصدیق، پوری گلی سیل، اسپرے شروع
06 اپریل ، 2020
کراچی: ملیر گلستان سوسائٹی میں ایک ہی گلی میں 9 افراد میں کورونا وائرس کی تصدیق ہوئی ہے۔
کراچی کے علاقے ملیر گلستان سوسائٹی سے میں ایک ہی گلی میں 9 افراد میں کورونا کی تصدیق ہونے کے بعد متا ثرہ گلی کو سیل کرکے پولیس کی نفری تعینات کردی گئی ہے۔
گلی میں کورونا وائرس کے کیسز کی تصدیق کے بعد پولیس نے گلی کے داخلی و خارجی راستے کو بند کردیا ہے جب کہ علاقے میں گشت بڑھا دیا گیا ہے اور قریبی علاقوں میں بھی باہر نکلنے والے افراد کو واپس گھروں میں جانے کی ہدایت کی جارہی ہیں۔
اس کے علاوہ انتظامیہ نے متاثرہ گلی میں فوری طور پر اسپرے شروع کردیا ہے۔
واضح رہے کہ سندھ میں اب تک کورونا وائرس کے کیسز کی تعداد 900 سے تجاوز کرگئی ہے جس میں سب سے زیادہ کیسز کراچی سے رپورٹ ہوئے اور صوبے بھر میں اب تک سب سے زیادہ ہلاکتیں بھی شہر قائد میں ہی سامنے آئی ہیں۔
