ایمازون کے سربراہ جیف بیزوس لگاتار تیسری بار دنیا کے امیر ترین شخص بن گئے

معروف امریکی جریدے فوربز نے سال 2020 کے ارب پتی افراد کی فہرست جاری کر دی ہے۔

فوربز میگزین کے مطابق لگاتار تیسرے سال بھی آن لائن تجارتی کمپنی ایمازون کے سربراہ جیف بیزوس دنیا کے ارب پتی افراد کی فہرست میں پہلے نمبر  پر ہیں۔

جیف بیزوس 113 ارب ڈالرز اثاثوں کے ساتھ ارب پتی افراد کی فہرست میں پہلے نمبر پر براجمان ہیں۔

دوسری جانب مائیکرو سافٹ کے بانی بل گیٹس 98 ارب ڈالرز کے ساتھ دوسرے جب کہ برنارڈ ارنالٹ 76 ارب ڈالرز دولت کے ساتھ تیسرے نمبر  پر ہیں۔

دنیا کا امیر ترین آدمی کتنا عرصہ پاکستان کا خرچہ چلاسکتا ہے؟

دنیا میں 1810 ارب پتی موجود ہیں جن کے پاس موجود دولت دنیا کے 70 فیصد افراد کے برابر ہے: رپورٹ

فوربز کی جانب سے جاری کی جانے والی دنیا کے امیر ترین افراد کی فہرست میں وارن بفٹ 67 ارب 50 کروڑ ڈالرز کے ساتھ چوتھے نمبر  پر ہیں۔

علاوہ ازیں امریکی ٹی وی شو کی میزبان اوپرا ونفری، جارج لوکاس اور اسٹیون اسپیلبرگ بھی دنیا کے ارب پتی افراد کی فہرست کا حصہ ہیں۔

دوسری جانب 2020 کے امیر ترین افراد کی  فہرست میں زوم کے سی ای او ایرک یو آن اور ہپ ہاپ ریپر جے زی بھی 178 نئے ارب پتیوں میں شامل ہو گئے ہیں۔

امیرترین افراد 10 سال تک صرف 0.5 فیصد اضافی ٹیکس دیں تو کیا ہوگا؟

گزشتہ دہائی کے دوران ارب پتی افراد کی تعداد دگنی ہوچکی، دنیا کے 22 امیر ترین افراد کے پاس براعظم افریقا کی تمام خواتین کے پاس موجود دولت سے زیادہ پیسہ موجود ہے

خیال رہے کہ گزشتہ برس امیر ترین افراد کی فہرست میں 2153 افراد تھے جو کہ اس سال کم ہوکر 2095 رہ گئے ہیں۔

امریکی جریدے فوربز کے اسسٹنٹ منیجنگ ایڈیٹر کا کہنا ہے کہ ارب پتی افراد کی تعداد میں کمی کورونا کے معیشت پر اثرات کی عکاس ہے۔