18 اپریل ، 2020 
بھارتی بحریہ کے 26 اہلکاروں میں کورونا وائرس کی تشخیص
18 اپریل ، 2020
بھارت کے شہر ممبئی میں بھارتی بحریہ کے 26 اہلکاروں میں کورونا وائرس کی تشخیص ہوئی ہے۔
بھارتی میڈیا رپورٹس کے مطابق ممبئی لنگر انداز آئی این ایس آنگرے پر تعینات 20 اہلکاروں کے کورونا ٹیسٹ مثبت آئے ہیں جبکہ دیگر 6 اہلکار بھی ممبئی میں ہی تعینات ہیں۔
بھارتی بحریہ کے بیان کے مطابق متاثرہ اہلکاروں میں سے زیادہ تر میں کورونا وائرس کی علامات ظاہر نہیں ہوئی تھیں۔
بھارتی میڈیا پورٹ میں بتایاگیا ہے کہ 7 اپریل کو ایک نیوی اہلکار میں مہلک وائرس کی تشخیص ہوئی تھی جس کے بعد اس سے ملنے والے دیگر اہلکاروں کے ٹیسٹ کیے گئے جن میں اب کورونا کی تصدیق ہوئی۔
اہلکاروں میں تشخیص کے بعد ان کے رہائشی اپارٹمنٹ کو لاک ڈاؤن کردیا گیا اور وہاں کسی کو بھی داخل ہونے کی اجازت نہیں ہے۔
رپورٹس کے مطابق بھارتی بحریہ کے کئی اہلکاروں کے ٹیسٹ کیے گئے ہیں جن کے نتائج کا انتظار ہے۔
خیال رہے کہ بھارت میں کورونا وائرس سے اب تک 488 افراد ہلاک ہوچکے ہیں جبکہ متاثرہ مریضوں کی تعداد 14 ہزار سے زائد ہے۔
مزید خبریں :
شام کے شہر حماہ میں نامعلوم افراد نےکرسمس ٹری کو آگ لگادی
24 دسمبر ، 2024
سعودی عرب میں رواں سال 300 سے زائد افراد کو سزائے موت دی گئی
24 دسمبر ، 2024
ایک اورکشمیری نژاد پاکستانی برطانیہ میں لارڈ بن گیا
24 دسمبر ، 2024
ترکیہ: فیکٹری میں دھماکا خیز مواد پھٹنے سے 12 افراد ہلاک
24 دسمبر ، 2024
