Can't connect right now! retry

واٹس ایپ گروپ ویڈیو کالنگ فیچر میں اہم پیش رفت

فوٹو: فائل

کورونا وائرس کی وجہ سے سماجی دوری اختیار کرنے کے پیش نظر لاک ڈاؤن کے باعث تمام تر تعلیمی ادارے، کاروبار اور دفاتر بھی بند ہوگئے ہیں۔

لاک ڈاؤن کی اس صورتحال میں گھر پر موجود لوگوں کی جانب سے تمام تر کام آن لائن کیا جا رہا ہے اور ضمن میں صارفین ویڈیو کالنگ کی ایپس کا زیادہ استعمال کر رہے ہیں۔

زوم اور اسکائپ جیسی دیگر ایپس میں لوگ ایک وقت میں زیادہ سے زیادہ لوگوں سے جڑ سکتے ہیں اور ان ایپس  کی مانگ میں اضافہ دیکھتے ہوئے واٹس ایپ نے بھی اپنے گروپ ویڈیو کالنگ میں اہم پیش رفت کرنے کا عندیہ دے دیا۔

رپورٹس کے مطابق پیغامات اور ویڈیو کالنگ کے مقبول ترین پلیٹ فارم واٹس ایپ کی جانب سے گروپ ویڈیو کالنگ میں مزید لوگوں کو شامل کرنے کی گنجائش میں اضافہ کیا جا رہا ہے۔

فی الحال اس وقت واٹس ایپ پر اگر صارفین ویڈیو کالنگ کریں تو ایک وقت میں 4 لوگ ایک ساتھ جُڑ سکتے ہیں لیکن وبا کے پیشِ نظر اب واٹس ایپ صارفین کی گنجائش میں اضافہ کر رہا ہے۔

واٹس ایپ کی جانب سے ابھی اس بات کا اعلان نہیں کیا گیا ہے کہ وہ اپنے گروپ ویڈیو کالنگ میں کتنے لوگوں میں اضافہ کر رہا ہے جب کہ فیچر کو واٹس وایپ میں شامل کرنے کی تاریخ کا اعلان بھی تاحال نہیں کیا گیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM