'پاکستان آکر مرنا چاہتی ہوں'، میرا نے وزیراعظم کے سامنے ہاتھ جوڑ لیے

امریکا میں موجود پاکستانی فلم اسٹار میرا نے وزیراعظم عمران خان کے سامنے ہاتھ جوڑ لیے۔

نیویارک میں پھنسی اداکارہ میرا نے ہاتھ جوڑ کر وزیراعظم عمران خان سے مدد کی اپیل کی ہے اور کہا ہے کہ وہ بیرون ملک اس طرح کے حالات میں نہیں بلکہ پاکستان آکر اپنے ملک میں مرنا چاہتی ہیں۔

'میرا جی' امریکی صدر کی سرکاری رہائش گاہ کے باہر کیا کررہی ہیں؟

'میرا جی' نے اپنے پیغام میں کہا کہ 'لوگ اپنے ہاتھ بار بار دھوئیں اور اپنی قوت مدافعت کو بڑھائیں'۔

میرا کا کہنا ہے کہ یہاں روزانہ ہزاروں لوگ مر رہے ہیں، نیویارک قبرستان میں تبدیل ہورہا ہے، میرے پاس رقم ختم ہوچکی ہے، گزارہ مشکل ہوگیا ہے، ہوٹل کے کمرے میں قید ہوں۔

اداکارہ نے کہا کہ ہمایوں سعید اور دیگر فنکاروں کے ساتھ شوٹنگ کیلئے امریکا آئی تھی، تمام ساتھی فنکار واپس جاچکے ہیں میں تنہا امریکا میں پھنس گئی ہوں۔

میرا نے کہا کہ عمران خان نے ہمیشہ فنکاروں کی حوصلہ افزائی کی ہے، میری وطن واپسی کے انتظامات کیے جائیں۔

اداکار شمعون عباسی، صنعم سعید، محب مرزا سمیت 21 افراد تھائی لینڈ میں پھنس گئے

شمعون عباسی کے دعوے کے برعکس 29 مارچ کو ایک خصوصی پرواز بنکاک ائیر پورٹ پر پھنسے 170 پاکستانیوں کو وطن واپس لائی تھی

گزشتہ دنوں میرا نے ایک ویڈیو بھی شیئر کی تھی جس میں وہ وائٹ ہاؤس کے سامنے جاگنگ کررہی تھیں اور لوگوں کو کورونا  وائرس سے محتاط رہنے کی ہدایت کررہی تھیں۔

پاکستان میں 30 اپریل تک ڈومیسٹک اور بین الاقوامی پروازیں بند ہیں البتہ مختلف ممالک میں پھنسے پاکستانیوں کو وطن واپس لانے کیلئے خصوصی پروازیں چلائی جارہی ہیں۔

خیال رہے کہ کورونا وائرس سے امریکا دنیا میں سب سے زیادہ متاثر ہوا ہے اور ریاست نیویارک امریکا کی سب سے متاثر ریاست ہے۔

امریکا میں اب تک کورونا وائرس کے 7 لاکھ 70 ہزار کیسز سامنے آچکے ہیں جن میں سے 41 ہزار سے زائد افراد ہلاک ہوچکے ہیں۔