عائزہ خان نے فیس ماسک کو فیشن بنا لیا

خطرناک کورونا وائرس کے پھیلاؤ کے بعد دنیا بھر میں حفاظتی اقدامات کے تحت لوگ فیس ماسک کا استعمال کررہے ہیں۔

وائرس سے بچاؤ کے لیے فیس ماسک کی دنیا بھر میں ہی قلت ہے جب کہ اب متعدد کمپنیوں اور برانڈز کی جانب سے فیس ماسک میں جدت لائی جا رہی ہے۔

سب سے پہلے ایک کمپنی کی جانب سے انسانی شکل کے چھاپ جیسا فیس ماسک متعارف کرایا گیا تھا جو کافی مقبول ہوا تھا جب کہ ایک امریکی کمپنی کی جانب سے سانپ اور مگرمچھ کی کھال سے بھی فیس ماسک تیار کیے گئے ہیں۔

کورنا وائرس سے بچاؤ کیلیے سانپ اور مگر مچھ کی کھال سے فیس ماسک تیار

سانپ کی کھال سے بنا فیس ماسک 90 ڈالر جب کہ مگر مچھ کی کھال سے بنا فیس ماسک 120 ڈالرز میں فروخت کیا جا رہا ہے۔

اب حال ہی میں کورونا وائرس کے پیشِ نظر اداکارہ عائزہ خان نے فیس ماسک کو بطور فیشن اسٹیٹمنٹ کے طور پر استعمال کیا اور اپنے لباس کے میچنگ کا فیس ماسک لگایا۔

اداکارہ عائزہ خان نےاپنے انسٹاگرام اکاؤنٹ پر میچنگ کے فیس ماسک کے ساتھ متعدد تصاویر شیئر کیں۔

عائزہ خان کا کہنا تھا کہ اب تمام تر کپڑوں کے ساتھ میچنگ کے فیس ماسکس کی ضرورت ہے۔