19 فروری ، 2020 
کورونا وائرس سے تحفظ اور اداسی دور بھگانے کیلئے مسکراہٹ بکھیرنے والا ماسک
19 فروری ، 2020
جان لیوا کورونا وائرس سے بچاؤ کے لیے جہاں چہرے پر پہننے والے ماسک کی مانگ میں اضافہ ہوا ہے وہیں حال ہی میں ان ہی ماسک میں مزید جدت لاتے ہوئے ایک اہم پیش رفت بھی سامنے آئی ہے۔
غیر ملکی خبر رساں ادارے کے مطابق سین فرانسسکو کی گرافک ڈیزائنر نے حال ہی میں ایسے ماسک ایجاد کیے ہیں جسے صارف کی شکل کی طرح پرنٹ کیا جائے گا۔
ان ماسک کا نام ’ریسٹنگ رِسک فیس‘ رکھا گیا ہے جو کہ کسی بھی شخص کو جان لیوا کورونا وائرس سے بچانے کے ساتھ ساتھ چہرے پر پہننے کے بعد اُن کالے ماسک یا مختلف رنگوں کے ماسک سے کافی حد تک بہتر لگیں گے۔
ان ماسک کو بنانے والی گرافک اور ویجوئل ڈیزائنر ڈینیل بیسکن کا یہ دعویٰ بھی ہے کہ اس ماسک کو پہننے کے بعد آپ اپنے اسمارٹ فون کی فیس آئی ڈی لاک کو بھی کھول سکیں گے کیونکہ یہ ماسک پہننے والے شخص کی شکل کی طرح ہی ہوگا۔
اس ماسک کو بنانے والے ڈیزائنر کا کہنا ہے کہ ایک ہزار سے زائد لوگ اس ماسک کو خریدنے کے لیے ویٹنگ لسٹ میں موجود ہیں۔
اس ماسک کو بنوانے کے لیے صارفین کو ایپ کے ذریعے اپنی تصویر اپ لوڈ کرنی ہوگی جس کے بعد ماسک بنانے والی سروس اس تصویر کو ماسک کی بناوٹ کو مدِ نظر رکھتے ہوئے اس پر بنائے گی۔
یہ جدید ماسک صارفین 40 ڈالر کی رقم ادا کر کے خرید سکتے ہیں جب کہ اسے فروخت کے لیے پیش کی جانے والی تاریخ کا فی الحال اعلان نہیں کیا گیا ہے۔
مزید خبریں :
آئی فون 17 پرومیکس کی لیکس نے صارفین کی بے چینی بڑھادی
10 گھنٹے پہلے
گوگل کے مقابلے پر چیٹ جی پی ٹی کا سرچ انجن سامنے آگیا
01 نومبر ، 2024
چین کی پہلی سویلین خاتون خلا باز اسپیس اسٹیشن پہنچنے میں کامیاب
01 نومبر ، 2024
واٹس ایپ کا نیا فیچر متعارف جو آپ کی زندگی کو آسان بنائے گا
01 نومبر ، 2024
واٹس ایپ چیٹس کے لیے ایک کارآمد فیچر پر کام جاری
31 اکتوبر ، 2024
