عالمی منڈی میں تیل کی قیمتیں پھر 15 فیصد تک گر گئیں

دنیا میں ایک مرتبہ پھر   تیل ذخیرہ کرنے کی گنجائش ختم ہونے کی اطلاعات کے بعد  عالمی منڈی میں تیل کی قیمتیں گراوٹ کا شکار ہیں۔

گزشتہ ہفتے تاریخ میں پہلی مرتبہ امریکی خام تیل ڈبلیو ٹی آئی تاریخی کمی کے بعد منفی 37 ڈالر فی بیرل پر فروخت کیا گیا تھا۔

حکومت کا پیٹرول کی درآمدات پر عائد پابندی ہٹانے کا فیصلہ

ملک میں پیٹرول اور ڈیزل کی کھپت میں اضافہ ہورہا ہے، اب مارکیٹنگ کمپنیاں ڈیزل اور پیٹرول درآمد کر سکتی ہیں، حکام

خام تیل کی برطانوی منڈی میں آج کاروبار کے آغاز پر ڈبلیو ٹی آئی کے جون کے سودے 15 فیصد کمی کے بعد 14.40 ڈالر فی بیرل تک پہنچ گئے۔ عالمی منڈی میں برینٹ کروڈ آئل کی قیمتوں میں کمی دیکھی گئی اور اس کےجون کے سودے 6.2 فیصد کمی سے 20 ڈالر فی بیرل پر کیے گئے۔

یاد رہے کہ تیل کی عالمی قیمتوں میں کمی کی بنیادی وجہ دنیا بھر میں کورونا وائرس کی وجہ سے لاک ڈاؤن کی وجہ سے تیل کی کھپت میں انتہائی ہے اور بیشتر ممالک کے پاس تیل ذخیرہ کرنے کی گنجائش تقریباً ختم ہو چکی ہے۔

اس کے ساتھ ساتھ تیل پیدا کرنے والے ممالک کی جانب سے تیل کی پیداوار میں زیادہ کمی بھی نہیں کی جا رہی ہے جس کی وجہ سے پیدوار زیادہ اور کھپت اپنی کم ترین سطح پر ہے۔