حکومت سندھ نے یوم علیؓ سمیت ہر قسم کے جلسے جلوسوں پر پابندی عائد کردی

محکمہ داخلہ سندھ نے رمضان المبارک میں صوبے بھر میں ہر قسم کے جلسے جلوس  پر پابندی کا نوٹیفکیشن جاری کر دیا۔

محکمہ داخلہ سندھ کی جانب سے جاری ہونے والے نوٹیفکیشن میں کہا گیا ہے کہ یوم علیؓ کے موقع پر مجالس اور جلوس نکالنے پر پابندی ہوگی۔

ملک میں کورونا سے مزید 23 اموات، ہلاکتیں 322 اور مجموعی کیسز 14690 ہوگئے

آج ملک بھر سے کورونا کے مزید 633 کیسز رپورٹ ہوئے اور 23 ہلاکتیں بھی سامنے آئیں

نوٹیفکیشن کے مطابق رمضان المبارک میں کسی بھی قسم کی مذہبی تقریبات بھی منعقد نہیں کی جائیں گی۔

محکمہ داخلہ کے حکم نامے میں یہ بھی کہا گیا ہے کہ مساجد میں شبینہ اور ختم القران کے اجتماعات پر بھی مکمل طور پر پابندی عائد ہوگی۔

خیال رہے کہ کورونا وائرس کا پھیلاؤ روکنے کیلئے اس سے قبل محکمہ داخلہ سندھ تروایح کے اجتماعات پر بھی پابندی عائد کرچکا ہے۔

دوسری جانب صوبے میں کورونا کیسز میں اضافہ ہورہا ہے اور اب تک 92 افراد جاں بحق ہوچکے ہیں جبکہ متاثرہ مریضوں کی تعداد 5291 ہے۔