Can't connect right now! retry

واٹس ایپ پر جعلی خبروں کے پھیلاؤ میں 70 فیصد تک کمی: رپورٹ

فوٹو: فائل

عالمگیر وبا کورونا وائرس کےدنیا بھر میں پھیلنے کے ساتھ ساتھ سوشل میڈیا اور دیگر ویب سائٹس پر بھی کورونا سے متعلق جعلی معلومات اور جھوٹی خبروں کا پھیلاؤ عروج پر ہے۔

سوشل میڈیا اور دیگر پلیٹ فارمز کی جانب سےکورونا وائرس سے متعلق جعلی معلومات اور جھوٹی خبروں کی روک تھام  کے لیے اقدامات کیے جا رہے ہیں۔

لیکن اب پیغام رسانی اور ویڈیو کالنگ کی مقبول ترین ایپ واٹس ایپ جعلی معلومات اور جھوٹی خبروں کی روک تھام کرنے میں کافی حد تک کامیاب ہوئی ہے۔

رپورٹس کے مطابق واٹس ایپ نے جب سے جعلی معلومات اور جھوٹی خبروں کی روک تھام کے لیے اقدامات کرتے ہوئے اپنے فارورڈ میسج کے طریقہ کار کو سخت کیا تھا اس کے بعد سے اب تک واٹس ایپ پر جعلی خبروں کا پھیلاؤ 70  فیصد تک کم ہوا ہے۔

خیال رہے کہ گزشتہ دنوں واٹس ایپ نے کورونا وائرس سے متعلق جعلی خبروں کے پھیلاؤ کی روک تھام کے لیے فارورڈ میسج کا طریقہ کار سخت کیا تھا جس کے تحت واٹس ایپ نے صارفین کی جانب سے بے شمار لوگوں کو ایک وقت میں میسج فارورڈ کرنے کے آپشن میں سختی کر دی تھی۔

واٹس ایپ میں اس سے قبل صارفین ایک وقت میں 5 لوگوں (بشمول گروپس) کو باآسانی میسج فارورڈ کر سکتے تھے لیکن اب اس اپ ڈیٹ کے بعد صارفین ایک وقت میں ایک ہی صارف کو فارورڈ میسج بھیج سکتے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM