Can't connect right now! retry

انٹرٹینمنٹ
30 اپریل ، 2020

’اماں مجھے لینے آئی ہیں‘، عرفان خان کے موت سے قبل کلمات

فوٹو فائل—

گزشتہ روز  اداکار عرفان خان نے دنیا سے رخصت ہونے سے قبل اپنی اہلیہ سے کہا تھا کہ اماں انہیں لینے آئی ہیں اور انہیں یقین ہے کہ وہ مر جائیں گے۔

بھارتی میڈیا رپورٹس کے مطابق عرفان خان اپنی زندگی کے آخری لمحات میں مرحوم والدہ کو مسلسل دیکھ رہے تھے جن کا انتقال اداکار کے انتقال سے تین روز قبل ہوا تھا اور وہ لاک ڈاؤن کے باعث ان کے جنازے میں شرکت نہیں کر سکے تھے۔

رپورٹس کے مطابق  عرفان خان کے پاس آخری وقت میں ان کی اہلیہ، بیٹا بابیل، سابق مینیجر آصف اور ڈرائیور حشمت موجود تھے۔

دنیا سے رخصت ہونے سے قبل عرفان خان نے اپنی اہلیہ سے کہا کہ ’دیکھو مجھے اماں لینے آئی ہیں ، وہ میری تکلیف کم کرنے آئی ہیں۔‘

آخری کلمات ادا کرتے ہوئے اداکار نے اپنی اہلیہ سے یہ بھی کہا کہ ’ میں ہار چکا ہوں، اب مجھے یقین ہے کہ میں مرجاؤں گا، اماں کمرے میں موجود ہیں، دیکھو وہ میرے ساتھ بیٹھی ہیں، مجھے لینے آئی ہیں۔‘

میڈیا رپورٹس کے مطابق عرفان خان کی اہلیہ شوہر کی باتیں سن کر جذبات قابو میں نہ رکھ سکیں اور زارو قطار رونے لگیں، اسی دوران عرفان خان کی طبیعت بگڑی جس کے ایک گھنٹے بعد ڈاکٹرز نے ان کی موت کی تصدیق کردی۔

واضح رہے کہ 53 سالہ عرفان خان کولون (بڑی آنت) کے انفیکشن کے باعث ممبئی کے کوکیلابین دھیروبھائی امبانی اسپتال میں زیر علاج تھے جہاں وہ گزشتہ روز دنیائے فانی سے کوچ کر گئے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM