30 اپریل ، 2020 
صدر موبائل مارکیٹ کی زیادہ تر دکانیں کھل گئیں
30 اپریل ، 2020
کراچی کے علاقے صدر میں تقریباً ایک ماہ سے زائد عرصے کے بعد موبائل مارکیٹ کی زیادہ تر دکانیں کھول دی گئیں۔
خیال رہے کہ سندھ میں کورونا کے پھیلاؤ کو روکنے کے لیے 23 مارچ سے لاک ڈاؤن کیا گیا تھا جس کے بعد سے مارکیٹیں بند تھیں۔
گذشتہ دنوں سندھ حکومت نے تاجروں کو کاروبار کرنے کی مشروط اجازت دی تھی جس کے تحت تاجر پیر سے جمعرات تک صبح 9 بجے سے 3 بجے کے درمیان آن لائن کاروبار کر سکیں گے۔
حکومت کی جانب سے بتائے گئےضابطہ کار کے مطابق دکاندار شٹر گرا کر اپنی چیزیں فروخت کرسکتے ہیں، جس پر عمل کرتے ہوئے دکاندار شٹر گرا کر دکان کے باہر ہی بیٹھ کر گاہکوں کا انتظار کرتے رہے۔
دوسری جانب سندھ حکومت آئندہ جمعے کے بعد سے صوبے میں لاک ڈاؤن میں مزید نرمی پر غور کررہی ہے اور ذرائع کے مطابق وزیراعلیٰ سندھ اس حوالے سے جلد وزیر اعظم عمران خان سے بات کریں گے۔
خیال رہے کہ سندھ میں کورونا وائرس کے کیسز کی تعداد 6 ہزار سے تجاوز کرچکی ہے جن میں سے 112 افراد ہلاک ہوچکے ہیں۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
