پاکستان کی قرضے کی قسط مؤخر کرنے کیلیے جی 20 ممالک سے باضابطہ درخواست

اسلام آباد: پاکستان نے قرضے کی قسط مؤخر کرنے کے لیے دنیا کی 20 بڑی معیشتوں کے حامل ممالک کے گروپ (جی 20)  سے باضابطہ درخواست کردی۔

ذرائع کے مطابق پاکستان کی جانب سے  قرضے کی قسط مؤخر کرنے کی درخواست کورونا کی صورتحال دیکھتے ہوئے کی گئی ہے۔

پاکستان کو آئی ایم ایف سے ایک سال کیلیے قرض ریلیف مل گیا

وزیراعظم عمران خان نے عالمی مالیاتی اداروں اور اقوام متحدہ سے اپیل کی تھی کہ کورونا سے نمٹنے کیلیے ترقی پزیر ممالک کو قرضوں میں ریلیف دیا جائے۔

ذرائع کا کہنا ہے کہ ایک ارب 80 کروڑ ڈالر کی قسط رواں سال دسمبر تک مؤخرکرنے کی درخواست کی گئی ہے جس میں ایک ارب 46 کروڑ ڈالر کی پرنسپل رقم اور 32 کروڑ 30 لاکھ ڈالر کا سود شامل ہے۔

ذرائع کا بتانا ہے کہ قرضے کی قسط مؤخر ہونے کی صورت میں پاکستان رواں سال دسمبر تک نئے قرض حاصل نہیں کرسکے گا جب کہ عالمی مالیاتی فنڈ (آئی ایم ایف) سے قرض اس پابندی سے مستثنیٰ ہوگا۔

واضح رہے کہ مہلک کورونا وائرس سے پاکستان سمیت دنیا بھر کی معیشت متاثر ہوئی جس کے باعث آئی ایم ایف نے بھی ترقی پذیر ممالک کے قرضوں کی ادائیگی میں ایک سال کا ریلیف دیا ہے۔

ای سی سی نے جی 20 کے ساتھ قرضوں کی ری شیڈولنگ کی منظوری دے دی

ای سی سی کے اجلاس میں چھوٹے کاروبار والوں کے لیے 50 ارب 69 کروڑ روپے کی پری پیڈ بجلی اسکیم بھی منظور کی گئی، وزارت خزانہ

جی 20 ممالک پاکستان سمیت 76 ملکوں کے 40 ارب ڈالرز کے قرضے منجمد کرنے پر رضامند

اس ریلیف سے پاکستان کے 12ارب ڈالر کے قرضوں کی ادائیگی مؤخر ہوگی، پاکستان نے آئی ایم ایف،عالمی بینک، اے ڈی بی، اسلامی ترقیاتی بینک اور پیرس کلب سے قرضے لے رکھے ہیں