08 مئی ، 2020 
کورونا علاج کیلئے ملیریا کی دوا ’ہائیڈروکسی کلوروکوئین‘ کا کوئی نقصان یا فائدہ نہیں: تحقیق
08 مئی ، 2020
نئی تحقیق میں انکشاف کیا گیا ہے کہ کورونا علاج کے لیے امریکی صدر ڈونلڈ ٹرمپ کی تجویز کردہ ملیریا کی دوا ’ہائیڈروکسی کلوروکوئن‘ سے کوئی نقصان یا فائدہ نہیں ہے۔
ملیریا کے علاج میں استعمال ہونے والی دوا ’ہائیڈروکسی کلوروکوئن‘ کے کورونا مریضوں پر مثبت اثرات سامنے آئے تھے اور مختلف ممالک میں اسے کورونا مریضوں کے علاج میں استعمال بھی کیا جارہا ہے۔
برطانوی طبی جریدے نیو انگلینڈ جرنل آف میڈیسن میں شائع نئی تحقیق کے مطابق امریکا کے مختلف اسپتالوں میں کورونا مریضوں پر مرتب ہونے والے’ہائیڈروکسی کلوروکوئن‘ کے اثرات کا مشاہدہ کیا گیا جس سے یہ بات سامنے آئی کہ اس کے استعمال سے موت یا سانس کی نلکی لگانے کے خطرات کی شرح میں اضافہ یا کمی نہیں دیکھی گئی لہذا اس کے استعمال سے کوئی نقصان ہے نہ فائدہ۔
محقیقین کا کہنا ہے کہ ہائیڈروکسی کلوروکوئن کئی دہائیوں سے ملیریا کے علاج کے لیے استعمال کی جارہی ہے تاہم یہ تحقیق دوا کو دیگر جگہوں پر مریضوں پر آزمائش سے منع کرنے کی سفارش نہیں کرتی۔
واضح رہے کہ امریکی صدر ڈونلڈ ٹرمپ نے مارچ میں ملیریا کی دوا کلورو کوئن Chloroquine اور ہائیڈروکسی کلورو کوئن Hydroxychloroquine کو کورونا علاج کے لیے تجویز دی تھی اور ان کا کہنا تھا کہ کورونا وائرس کے علاج اور ویکسین کی تیاری کے لیے سرخ فیتے کی رکاوٹیں ختم کردی ہیں۔
خیال رہے کہ کورونا کے علاج کے لیے دنیا بھر میں کئی کمپنیاں اور ادارے اس وقت کورونا وائرس کی 100 سے زائد ویکسینز پر کام کر رہے ہیں جن میں سے پانچ کی انسانوں کی پر آزمائش بھی شروع کر دی گئی ہے۔
مزید خبریں :
ذیابیطس کا شکار ہونے کا عندیہ دینے والی عام علامات
11 گھنٹے پہلے
وہ کون سے مشروبات ہیں جو آپ کے جگر کو تباہ کر رہے ہیں؟
14 نومبر ، 2024
گریوں کا استعمال دماغی مرض ڈیمینشیا سے بچانے کیلئے مفید
13 نومبر ، 2024
ناشتہ نہ کرنے کی عادت سے صحت کو ہونے والے سنگین نقصان کا انکشاف
13 نومبر ، 2024
کیا چائے نظام ہاضمہ خراب کردیتی ہے؟ حیران کن حقائق
12 نومبر ، 2024
