ماں بیٹی نے ڈرائیو تھرو سے کھانا لینے کیلئے کارڈ بورڈ سے گاڑی تیار کر لی

کورونا وائرس کی وجہ سے لاک ڈاؤن کے پیش نظر دفاتر، شاپنگ سینٹرز سمیت ریسٹورینٹس بھی بند ہیں جس کی وجہ سے لوگ باہر جا کر کھانے کھانے کو بہت یاد کر رہے ہیں۔

اس سلسلے میں فاسٹ فوڈ چین میکڈونلڈز نے صارفین کے لیے ڈرائیو تھرو سرونگ کھول رکھی ہے جس کے ذریعے لوگ گاڑی کے اندر بیٹھے بیٹھے ہی آرڈر کر سکتے ہیں۔

لیکن اگر آپ کے پاس گاڑی ہی نہیں ہے اور  پھر بھی آپ کو لاک ڈاؤن میں باہر کا کھانا کھانا ہے تو اس کے لیے کیا کیا جائے؟

بیلجیم سے تعلق رکھنے والی نتھیلی اور ان کی 16 سالہ بیٹی نے ڈرائیو تھرو سے کھانا لینے کے لیے ایک انوکھا ہی حربہ اپنایا۔

سماجی دوری: ایسا ریسٹورینٹ جہاں ایک دن میں ایک شخص کھانا کھائے گا

یہ ریسٹورینٹ سوئیڈن میں کھولا جارہا ہے جہاں صرف ایک دن میں ایک شخص کو کھانے کی اجازت ہوگی

نتھیلی کی 16 سالہ بیٹی کو میک ڈونلڈز سے کھانا کھانے کا دل کر رہا تھا لیکن ان کے پاس گاڑی بھی نہیں تھی تو انہوں نے مل کر ایک کارڈ بورڈ سے گاڑی نما ڈھانچہ تیار کر لیا۔

اس کارڈ بورڈ سے بنے گاڑی نما ڈھانچے پر کووڈ 19 کی لائسنس پلیٹ لگا کر دونوں ماں بیٹی میکڈونلڈز کے ڈرائیو تھرو سے کھانا لینے کے لیے نکل پڑے۔

خوش قسمتی سے ماں اور بیٹی کی محنت رنگ لے آئی اور اس کارڈ بورڈ سے بنی گاڑی کے ساتھ انہیں میک ڈونلڈز کے ڈرائیو تھرو سے کھانا بھی مل گیا۔