13 مئی ، 2020 
لاک ڈاؤن: لوگوں کو گھروں میں بند رکھنے کیلئے چڑیل باہر نکل آئی
13 مئی ، 2020
کورونا وائرس کے پھیلاؤ کو روکنے کے لیے دنیا بھر میں متعدد ممالک میں لاک ڈاؤن اور جزوی کرفیو نافذ کیا گیا ہے جب کہ لوگوں نے اسے بے حد غیر سنجیدہ لیا ہوا ہے۔
لاک ڈاؤن کے باوجود بھی لوگ اپنے گھروں سے باہر نکل رہے ہیں اور گھروں سے باہر نکلتے دوران کوئی سماجی دوری کا بھی خیال نہیں رکھتا۔
ایسے میں دنیا بھر کی حکومتیں اور قانون نافذ کرنے والے اداروں کی جانب سے انوکھی حکمت عملی اختیار کی جا رہی ہے تاکہ لوگوں کو گھروں میں ہی رکھا جا سکے۔
اب حال ہی میں بھارتی ریاست اڑیسہ کے ایک گاؤں کی پنچائت نے لوگوں کو گھروں میں رکھنے کے لیے ایک نئی حکمت عملی سوچی۔
گاؤں کی پنچائت نے اس کام کے لیے ایک خاتون کو چنا جو ساڑھی پہنے منہ پر سفید رنگ کی چاک لگائے ساتھ میں پاؤں میں پایل باندھ کر رات میں گلیوں پر گشت کرتی ہے۔
گاؤں کی گلیوں میں اس ڈراؤنی دکھنے والی خاتون اور اس کی پایل کی آواز سے ڈر کر لوگ اپنے اپنے گھروں میں رہنے پر ہی مجبور ہیں۔
خیال رہے کہ بھارت میں کوورونا وائرس سے متاثرہ مریضوں کی تعداد 67 ہزار تک جا پہنچی ہے جب کہ وائرس سے ہونے والی ہلاکتوں کی تعداد بھی 2 ہزار سے زائد ہے۔
مزید خبریں :
دنیا کی طویل القامت اور پست قد خاتون کی پہلی بار ملاقات
21 نومبر ، 2024
چینی کمپنی کا ملازمین کیلئے انوکھے بونس کا اعلان
22 نومبر ، 2024
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
دبئی میں چوبیس قیراط سونے کی الیکٹرک کار قرعہ اندازی کے لیے پیش
19 نومبر ، 2024
