29 اپریل ، 2020 
'کورونا زومبی' کا سڑکوں پر گشت
29 اپریل ، 2020
کورونا وائرس کے پیش نظر دنیا بھرمیں متعدد ممالک میں لاک ڈاؤن اور جزوی کرفیو نافذ ہے اور گھر میں رہ رہ کر ستائی ہوئی عوام نے اب اپنے اپنے گھروں سے نکلنا شروع کردیا ہے۔
متعدد ممالک میں عوام کی جانب سے لاک ڈاؤن کی خلاف ورزی کرنے کے بے شمار واقعات سامنے آرہے ہیں اور قانون نافذ کرنے والے ادارے لاک ڈاؤن کی خلاف ورزی کرنے والوں کو انوکھی سزائیں بھی دے رہے ہیں تاکہ لوگ اپنے گھروں میں ہی رہیں۔
اب حال ہی میں بھارت میں کورونا وائرس کے پیشِ نظر لاک ڈاؤن کی خلاف ورزی کے واقعات کو روکنےکے لیے دہلی پولیس نے انوکھی حکمت عملی اپنائی ہے۔
بھارتی میڈیا کے مطابق دہلی پولیس نے اپنے آپ کو 'کورونا وائرس زومبی'میں تبدیل کردیا ہے اور اس ضمن میں انہوں نے وائرس سے بچنے والا حفاظتی لباس زیب تن کرنے کے ساتھ ساتھ سر پر کورونا وائرس جیسا ہیلمٹ بھی پہن رکھا ہے۔
دہلی پولیس کے مطابق یہ حکمت عمل سماجی دوری اختیار کرنے کو فروغ دینے اور لاک ڈاؤن کی خلاف ورزی کرنے والوں کو روکنے کے لیے کی گئی ہے۔
خیال رہے کہ بھارت میں اس سے قبل لاک ڈاؤن کی خلاف ورزی کرنے والوں کی پولیس کی جانب سے آرتی اتارنے کا واقعہ بھی سامنے آیا تھا۔
بھارت میں کورونا وائرس کی صورتحال
بھارت میں کورونا وائرس سے متاثرہ مریضوں کی تعداد 31 ہزار سے تجاوز کر چکی ہے جب کہ وائرس سے ہلاک ہونے والوں کی تعداد بھی ایک ہزار سے زائد ہے۔
مزید خبریں :
دنیا کی طویل القامت اور پست قد خاتون کی پہلی بار ملاقات
21 نومبر ، 2024
چینی کمپنی کا ملازمین کیلئے انوکھے بونس کا اعلان
22 نومبر ، 2024
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
دبئی میں چوبیس قیراط سونے کی الیکٹرک کار قرعہ اندازی کے لیے پیش
19 نومبر ، 2024
