اداکارہ میرا کے کورونا ٹیسٹ کا نتیجہ آگیا

چند روز قبل امریکا سے وطن واپس لوٹنے والی اداکارہ میرا کے کورونا وائرس ٹیسٹ کا نتیجہ سامنے آگیا۔

گزشتہ دنوں اداکارہ میرا  نیویارک میں پھنسی ہوئی تھیں جس پر انہوں نے ویڈیو کے ذریعے وزیراعظم عمران خان سے وطن واپسی کے لیے مدد کی اپیل کی تھی۔

تاہم تین روز قبل وہ خصوصی پرواز سے واشنگٹن سے لاہور پہنچیں اور ایک نجی ہوٹل میں قرنطینہ اختیار کیا۔

اس دوران اداکارہ میرا کا کووڈ 19 کا ٹیسٹ بھی کیا گیا جس کے نتائج منفی آئے ہیں۔

اس حوالے سے میرا نے انسٹاگرام پرویڈیو شیئر کی جس میں وہ ان تمام ایکسچینج پروگرام کی طالبات کے ساتھ ہیں جن کے ہمراہ وہ خصوصی پرواز سے پاکستان واپس آئی ہیں۔

اپنے ویڈیو پیغام میں اداکارہ نے کہا کہ میں اس وقت ایکسچینج پروگرام کی طالبات کے ساتھ ہوں، ہم سب نے اپنا کورونا ٹیسٹ کروایا جو منفی آیا ہے اور اللہ کے شکر سے ہم سب محفوظ ہیں۔

نیویارک میں کورونا کی صورتحال پر میرا کی 'مخصوص' انگریزی میں رپورٹنگ

ایک ویڈیو میں میرا کا کہنا ہے کہ کورونا کے باعث اس وقت دنیا کا سب سے بڑا شہر سو رہا ہے، لہذا احتیاط کریں اور اپنے کمرے سے باہر نہ نکلیں

اداکارہ میرا واشنگٹن سے لاہور پہنچ گئیں

اداکارہ میرا پاکستان پہنچ چکی ہیں اور لاہور کےہوٹل میں انہوں نے قرنطینہ اختیار کرلیا ہے