Can't connect right now! retry

پاکستان
17 مئی ، 2020

پنجاب میں جمعتہ الوداع اور عید الفطر کے اجتماعات ایس او پیز کے تحت ہوں گے

پنجاب میں جمعتہ الوداع اور عید الفطر کی نماز کے اجتماعات ضابطہ کار کے تحت ہونگے—فوٹو فائل

لاہور: کورونا وائرس کی صورتحال کے پش نظر پنجاب میں جمعتہ الوداع اور  عید الفطر کی نماز کے اجتماعات ضابطہ کار کے تحت ہوں گے۔

وزیر قانون پنجاب راجہ بشارت کی زیر صدارت اجلاس ہوا جس میں وزیر صنعت میاں اسلم اقبال، چیف سیکرٹری پنجاب جواد رفیق ملک اور آئی جی پولیس نے شرکت کی۔

اجلاس میں صوبے میں کورونا وائرس کے باعث پیدا ہونے والی صورتحال اور انتظامی امور کا جائزہ لیا۔

چیف سیکرٹری پنجاب کے مطابق اجلاس میں  فیصلہ کیا گیا کہ جمعتہ الوداع اور عید الفطر کی نماز کے اجتماعات کے لیے ایس او پیز جاری کیے جائیں گے اور دونوں مواقع پر سیکیورٹی انتظامات کو یقینی بنایا جائے گا۔

جواد رفیق ملک کا کہنا تھا کہ بازاروں میں ایس او پیز کی خلاف ورزی کسی صورت برداشت نہیں کی جائے گی۔

انہوں نے مطالبہ کیا کہ بازاروں میں تاجر تنظیموں کی مدد سے ایس او پیز پر عملدر آمد کرایا جائے اور خلاف ورزی کی صورت میں انفرادی کارروائی کی بجائے پوری مارکیٹ سیل کی جائے۔

ان کا کہنا تھا کہ ہفتےمیں چار دن کاروبارکی اجازت ہے، تین دن مکمل لاک ڈاون رہے گا، اس دوران ٹائیگر فورس کارآمد ہیومن ریسورس ہے، اس سے بھرپور فائدہ اٹھایا جائے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM