23 مئی ، 2020 
پاکستان
فواد چوہدری نے کہا تھا کہ پاکستان نے اگر 24 مئی کو عید نہیں کی تو وہ 25 مئی کو عید کرنے والا دنیا کا واحد مسلم ملک ہوگا—فوٹو: فائل
فواد چوہدری کے دعوے کی نفی، بنگلادیش میں عید 25 مئی کو ہوگی
23 مئی ، 2020
بنگلا دیش میں شوال کا چاند نظر نہیں آیا اور وہاں عیدالفطر25 مئی بروز پیر منائی جائے گی۔
بنگلادیشی مرکزی رویت ہلال کمیٹی نے اعلان کیا کہ ہفتے کو چاند نظر آنے کی کوئی شہادت موصول نہیں ہوئی لہٰذا عید الفطر 25 مئی بروز پیر ہوگی۔
خیال رہے کہ پاکستان کے وفاقی وزیر برائے سائنس و ٹیکنالوجی نے دعویٰ کیا تھا کہ پاکستان میں آج یعنی ہفتے کو چاند نظر آجائے گا اور 24 مئی کو عید ہوگی۔
انہوں نے یہ بھی کہا تھا کہ پاکستان نے اگر 24 مئی کو عید نہیں کی تو وہ 25 مئی کو عید کرنے والا دنیا کا واحد مسلم ملک ہوگا تاہم اب بنگلادیش سے یہ خبر آنے کے بعد فواد چوہدری کے دعوے کی نفی ہوگئی ہے۔
