28 مئی ، 2020
وزیراعظم عمران خان کی زیرصدارت کورونا اور ٹڈیوں کی صورتحال پر اجلاس ہوا جس میں وزیراعظم کو کورونا کی مجموعی صورتحال پر بریفنگ دی گئی۔
وزیراعظم عمران خان کے معاون خصوصی برائے صحت ڈاکٹر ظفر مرزا اور فوکل پرسن برائے کورونا ڈاکٹر فیصل سلطان نے کورونا کی صورتحال سے آگاہ کیا۔
اجلاس میں لاک ڈاؤن میں نرمی کے اثرات اور بڑھتے ہوئے کیسز پر بھی بات چیت کی گئی۔ وزیراعظم نے ایس او پیز پر ہر صورت عملدرآمد کروانے کی ہدایت کی۔
اس موقع پر وزیراعظم کا کہنا تھا کہ عوام کو درپیش مشکلات کا ادراک ہے، عوام کی مشکلات کے پیش نظر لاک ڈاؤن میں نرمی کی، احتیاطی تدابیر کو اپنانا بہت ضروری ہے۔
اجلاس میں وزیراعظم کو ٹڈیوں کی صورتحال سے بھی آگاہ کیا گیا۔