وفاقی حکومت نے بین الاقوامی پروازوں کو اڑان بھرنے کی اجازت دے دی

کراچی: وفاقی حکومت نے تمام انٹرنیشنل ائیرپورٹس سے بین الاقوامی پروازوں کو اڑان بھرنے کی اجازت دے دی۔

تمام ملکی اور غیر ملکی ائیرلائنزکو بین الاقوامی پروازیں چلانے کی اجازت ہوگی، غیرملکی پروازیں خالی آئیں گی، صرف پاکستان سے مسافروں کو لے جانے کی اجازت ہوگی، پروازیں رات 12 بجے سے 30 جون تک چلیں گی۔

پاکستان سول ایوی ایشن اتھارٹی (پی سی اے ای) کی جانب سے جاری بیان کے مطابق حکومتی اجازت کے بعد ملک بھر کے بین الاقوامی ہوائی اڈوں سے آؤٹ باؤنڈ انٹرنیشنل فلائٹ  آپریشن (پاکستان سے دیگر ممالک کیلئے جانے والی پروازیں) رات 12 بجے سے شروع کردیا جائے گا۔

کورونا کو روکنے کیلئے ایران سے فلائٹس بند کرنا بھی ضروری قدم ہوگا، مرتضیٰ وہاب

متاثرہ شخص کے ساتھ جہاز میں سفر کرنے والے دیگر افراد کو بھی تلاش کررہے ہیں، ائیرپورٹ صوبائی نہیں وفاقی حکومت کے کنٹرول میں ہیں، ترجمان سندھ حکومت

سول ایوی ایشن کے مطابق  تمام ملکی اور غیر ملکی ائیر لائنز کو  اپنی آؤٹ باؤنڈ بین الاقوامی پروازیں شروع کردیں گے جن میں شیڈول، نان شیڈول اور چارٹر پروازیں شامل ہیں۔

بین الاقوامی فلائٹ آپریشن آج رات 12بجے ملک کے تمام بین الاقوامی ائیرپورٹس سے سے شروع ہوجائے گا تاہم ایئرلائنز کو گوادر اور تربت کے ہوائی اڈوں سے آپریٹ کرنے کی اجازت نہیں ہوگی۔

کل سے20 فیصد اندرون ملک پروازیں شروع ہوجائیں گی، وزیر ہوابازی

فلائٹ آپریشن لاہور، اسلام آباد، کراچی، کوئٹہ اور پشاور میں شروع ہوگا، اندرون ملک پروازوں کیلئے نشستوں میں سماجی فاصلہ رکھا جائےگا، غلام سرور خان

ترجمان سول ایوی ایشن کے مطابق ائیرلائنز کیلئے ایس او پیز کی پاسداری لازمی ہوگی، ہوائی جہازوں میں جراثیم کش اسپرے اور سماجی فاصلے کو یقینی بنانا ہوگا جبکہ ہوائی اڈوں میں رش لگانے کی بھی اجازت نہیں ہوگی۔

صرف پاکستان سے بیرون ملک جانے والی پروازیں مسافر لے جاسکیں گی

حکومتی اجازت کے بعد سول ایوی ایشن اتھارٹی نے نوٹم میں وضاحت جاری کی کہ صرف پاکستان سے بیرون ملک جانے والی پروازیں مسافر لے جاسکیں گی، ائیرلائنز کو بیرون ملک سے مسافر پاکستان لانے کی اجازت نہیں ہوگی، فی الحال صرف آؤٹ باؤنڈ پروازوں کو مسافروں کو لے جانے کی اجازت ہوگی۔

بیرون ملک پھنسے پاکستانیوں کو صرف خصوصی پروازیں پاکستان لاسکیں گی۔

خیال رہے کہ 26 فروری کو پاکستان میں کورونا کا پہلا کیس سامنے آیا تھا اور متاثرہ شخص کراچی ائیرپورٹ کے ذریعے ہی ایران سے پاکستان میں داخل ہوا تھا۔

ہوائی اڈوں اور سرحدی چیک پوائنٹس سے آنے والوں کو چیک کرنا وفاقی حکومت کی ذمہ داری ہے تاہم سندھ حکومت نے کراچی کے جناح انٹرنیشنل ائیرپورٹ نے اپنا ہیلتھ ڈیسک بھی قائم کررکھا ہے۔

واضح رہے کہ پاکستان میں کورونا وائرس کی وجہ سے بین الاقوامی پروازوں پر پابندی عائد ہے جبکہ حکومت نے پروازوں کی بندش کے دوران بیرون ملک پھنسے پاکستانیوں کی واپسی کیلئے کچھ غیر ملکی پروازیں خصوصی طور پر چلانے کی اجازت دے رکھی ہے البتہ ڈومیسٹک فلائٹ آپریشن بحال ہوچکا ہے۔