میر شکیل الرحمٰن کی بلاجواز گرفتاری کیخلاف سندھ اسمبلی میں بھی احتجاج

جنگ اور جیو کے ایڈیٹر انچیف میر شکیل الرحمٰن کی بلاجواز گرفتاری کیخلاف سندھ اسمبلی میں بھی احتجاج کیا گیا۔

پارلیمانی رپورٹر ایسوسی ایشن اور سندھ جرنلسٹس کونسل کے تحت ہونے والے احتجاج میں صوبائی وزراء بھی شامل ہوگئے، وزیراطلاعات سندھ ناصر شاہ نے کہا کہ میر شکیل صحافت کی آواز ہیں، انہیں فوری رہا کیا جانا چاہیے۔

میر شکیل الرحمٰن کے قومی ’’جرائم‘‘ کی گواہی

یہ ماضی کی حکومتوں کی طرح موجودہ حکومت کا مخصوص روایتی میڈیا مخالف ہتھکنڈا ہے جس کی ماضی میں مثال نہیں ملتی۔

میرِ صحافت میر شکیل الرحمٰن کی غیرقانونی گرفتاری کیخلاف احتجاج کا دائرہ سندھ اسمبلی تک پھیل گیا۔

احتجاج کا اہتمام پارلیمانی رپورٹر ایسوسی ایشن اور سندھ جرنلسٹس کونسل نے کیا جس میں صوبائی وزیراطلاعات ناصر شاہ، ترجمان سندھ حکومت مرتضیٰ وہاب سمیت ایسوسی ایشن کے عہدیدار منور عالم، غازی جھنڈیر، دودو چانڈیو، سنجے سادھوانی سمیت دیگر ارکان بھی شامل ہوگئے اور پریس گیلری میں آکر صحافیوں سے اظہار یکجہتی کیا۔

ناصر شاہ کا کہنا تھا کہ وہ میر شکیل کی گرفتاری کیخلاف صحافیوں کے ساتھ کھڑے ہیں۔

ریاستِ مدینہ اور میر شکیل الرحمٰن کی گرفتاری

ریاستِ مدینہ قائم کرنے سے قبل اپنے دل کو صاف کیجئے، سہواً جو منہ سے نکل گیا کہ میں تمہیں نہیں چھوڑوں گا اور پھر آپ نے کر بھی دکھایا اس پر اللہ سے رجوع کیجئے اور میر شکیل الرحمٰن کو بے بنیاد مقدمے سے رہا کیجئے

پریس گیلری میں احتجاج کرنے والے صحافیوں نے میرشکیل کی گرفتاری کے خلاف احتجاجی بینرز بھی اٹھا رکھے تھے۔

صحافیوں نے میر شکیل الرحمٰن کی فوری رہائی کا مطالبہ کیا۔ان کا کہنا تھا کہ میر شکیل الرحمٰن کو بدنیتی کی بنیاد پر گرفتار کیا گیا ہے۔