’جہانگیر ترین کو لندن بھگا کر وزیراعظم کہتے ہیں احتساب ہو رہا ہے‘

مسلم لیگ (ن) کی ترجمان مریم اورنگزیب نے وفاقی وزیر شبلی فراز کے شوگر مافیا متعلق بیان پر ردعمل دیتے ہوئے سخت برہمی کا اظہا کیا ہے۔

 وفاقی وزیر شبلی فراز نے اپنے ٹوئٹر بیان میں کہا ہے کہ وزیراعظم عمران خان نے وعدہ کیا تھا کہ شوگر مافیا کے خلاف کارروائی ہوگی اوریہ وعدہ جلد پورا ہوگا۔

مذکورہ بیان پر ردعمل دیتے ہوئے ن لیگی ترجمان مریم اورنگزیب نے کہا کہ عمران مافیا خود چینی مافیا ہے کیونکہ چینی چوری کی ای سی سی اور کابینہ میں تمام فیصلوں کی منظوری صرف عمران اور بزدار صاحب نے دی۔

مریم اورنگزیب کا کہنا تھا کہ جہانگیرترین کو پچھلے دروازے سے لندن بھگا کرخود چینی کمیشن سے بھاگ کر کہتے ہیں احتساب ہو رہا ہے، یہ کس کو بے وقوف بنا رہے ہیں؟ عمران اور بزدار صاحب کو گرفتار کیا جائے۔

عوام آپ کے اربوں ڈالرکے فراڈز نہیں بھولی، آپ کا حساب ضرور ہوگا: شہباز گل

دوسری جانب وزیراعظم عمران خان کے معاون خصوصی برائے سیاسی رابطہ کار شہباز گل نے بھی  مریم اورنگزیب کے بیان پر ردعمل دیتے ہوئے کہا کہ کرپٹ لیگ کی ترجمان کے بیانات سن کر تو جھوٹ بھی شرما جاتا ہے۔

 معاون خصوصی شہباز گل کا کہنا تھا کہ ان کا ایجنڈا ہے کہ جھوٹ بولو اور اس قدر تواتر سے بولو کہ سچ کا گماں ہونےلگے لیکن بے فکر رہیں، عوام آپ کی قیادت کے اربوں ڈالرکے فراڈ نہیں بھولی، آپ کا حساب ضرور ہوگا۔

حکومت کا چینی کمیشن رپورٹ کی سفارش پر ذمہ داروں کیخلاف کارروائی کا فیصلہ

جہانگیر ترین، مونس الٰہی، شہباز شریف اور ان کے اہل خانہ، اومنی گروپ اور عمرشہریار چینی بحران کے ذمے دار قرار دیے گئے، جہانگیر ترین لندن روانہ ہوچکے

وزیراعظم کا شوگر مافیا کیخلاف کارروائی کا وعدہ جلد پورا ہوگا: وزیر اطلاعات

بنی گالہ میں چینی کمیشن رپورٹ میں آئے ناموں کے خلاف آج اہم اجلاس ہوگا، جس کے بعد پریس کانفرنس بھی ہوگی: وفاقی وزیر شبلی فراز