کورونا وائرس سے بچوں میں دل کے امراض جنم لینے لگے

کراچی: دنیا بھر میں پھیلنے والے خطرناک کورونا وائرس سےبچوں میں دل کے  امراض جنم لینے کا انکشاف ہوا ہے۔

اس ضمن میں ماہرِ امراضِ قلب کی جانب سے سندھ میں بچوں میں دل کے امراض پر تحقیق کی گئی ہے۔

ماہر امراض قلب ڈاکٹر شازیہ کا کہنا ہے کہ سندھ میں 5 بچوں میں کورونا وائرس کے باعث دل کی شریانیں متاثر ہوئی ہیں۔

کیا کورونا وائرس فالج کا باعث بھی بن رہا ہے؟

ماہرین نے انکشاف کیا ہے کہ امریکا میں کورونا وائرس سے متاثر درمیانی عمر کے لوگوں میں فالج کے واقعات دیکھنے میں آئے ہیں۔

انہوں نے بتایا کہ  سندھ میں دل کی شریانوں کے متاثرہ 15 بچوں کی نشاندہی کی گئی تھی اور ان  15 میں سے 5  بچوں میں کورونا وائرس کی تصدیق ہوئی ہے جب کہ متاثرہ بچوں کی عمریں 10 ماہ سے 16 سال کے درمیان ہیں۔

ڈاکٹر شازیہ کا کہنا تھا کہ امریکا اور برطانیہ میں 2 ماہ میں کورونا وائرس سے اب تک ایسے 10 بچے سامنے آئے ہیں۔