وزیراعظم عمران خان کورونا سے اموات کی شرح سے لاعلم

کورونا سے متعلق حکومت پاکستان کی ویب سائٹ کے مطابق ملک میں کورونا کی شرح اموات اور وزیراعظم عمران خان کے بیان میں واضح تضاد دکھائی دیتا ہے۔

وزیراعظم نے اپنی گفتگو میں کہا ہےکہ پاکستان میں کورونا سےہلاکتوں کی شرح ایک فیصد سے بھی کم ہے۔

تاہم حکومت پاکستان کےاعدادوشمارکے مطابق کورونا سے اموات کی شرح اس سے زیادہ ہے۔

 حکومت پاکستان کی ویب سائٹ کے مطابق ملک بھر میں مریضوں کی کل تعداد ایک لاکھ 19 ہزار 536 ہے جب کہ مرنے والوں کی مجموعی تعداد 2 ہزار 356 ہے۔

 اگر سرکاری ویب سائٹ کے  اعدادوشمارکے ذریعے شرح اموات نکالی جائے تویہ 1.97 یعنی تقریباً 2 فیصد  بنتی ہے۔