13 جون ، 2020 
بلوچستان میں ہوٹلز اور ریسٹورینٹس کھولنے کی اجازت
13 جون ، 2020
کوئٹہ: حکومت بلوچستان نے صوبے میں ہوٹلز اور ریسٹورینٹس کھولنے کی اجازت دے دی۔
محکمہ داخلہ کی جانب سے جاری ایس او پیز کے مطابق ہوٹلز اور ریسٹورینٹس کو کھولنے سے 4 گھنٹے قبل اسپرے کرنا ہوگا جب کہ ہوٹلز اور ریسٹورینٹس کا عملہ ماسک اور گلوز کےبغیر کام نہیں کرے گا۔
ایس او پیز کے مطابق ہوٹلز اور ریسٹورینٹس آنے والے گاہکوں کو بغیر ماسک ہوٹل میں داخل ہونے کی اجازت نہیں ہوگی جب کہ ایک ٹیبل پر 4 سے زائد افراد نہیں بیٹھیں گے۔
ایس او پیز کے مطابق ہوٹلز اور ریسٹورینٹس آنے والوں کا ٹمپریچر چیک اور استعمال ہونے والے برتن کو حفاظتی طریقے سے صاف رکھنا ہوگا۔
مجسٹریٹس کی زیر نگرانی ضلعی کمیٹیاں ہر روز ہوٹلز اور ریسٹورینٹس کا دورہ کریں گے اور ایس او پیز پر عمل درآمد کرائیں گی جب کہ ایس اوپیز کی خلاف ورزی پر ہوٹلز اور ریسٹورینٹس کو سیل کردیا جائے گا اور قانونی کارروائی کی جائے گی۔
واضح رہے کہ بلوچستان میں بھی کورونا کے کیسز میں تیزی سے اضافہ ہورہا ہے جہاں مجموعی کیسز تقریباً 8 ہزار ہیں اور 70 سے زائد افراد جاں بحق ہوچکے ہیں۔
مزید خبریں :
ملتان میں فضائی معیار آج بھی انتہائی مضر صحت
3 گھنٹے پہلے
ایرانی وزیر خارجہ دو روزہ سرکاری دورے پرپاکستان پہنچ گئے
10 گھنٹے پہلے
