قوم آج بینظیربھٹو کی قیادت کی کمی محسوس کر رہی ہے : بلاول

چیئرمین پیپلز پارٹی بلاول بھٹو زرداری کاکہنا ہے کہ قوم آج  بینظیربھٹو کی قیادت کی کمی محسوس کررہی ہے۔

بلاول بھٹو زرداری نے سابق وزیراعظم اور اپنی والدہ بینظیر بھٹو کے  سڑسٹھ (67) ویں یوم پیدائش کے موقع پر گڑھی خدا بخش کا دورہ کیا اور بینظیر بھٹو کی قبر پر فاتحہ خوانی کی اورپھول رکھے۔

بےنظیر عہد

اپنے خالق اور اپنے رہنما سے عہد وفا نبھاتے نبھاتے بینظیر شہادت دے کر ثابت کرگئیں کہ میں کون ہوں، کیوں ہوں اور کہاں سے ہوں!

 اپنے پیغام میں بلاول بھٹو زرداری کا کہنا تھا کہ اندرونی وبیرونی چیلنجز، کورونا وبا،ٹڈی دل کاحملہ اور گرتی معیشت کی صورت حال میں قوم آج بینظیربھٹوکی قیادت کی کمی محسوس کررہی ہے۔

بلاول نے پیپلز پارٹی کے کارکنوں سے اپیل کی کہ وہ محترمہ بینظیربھٹوکی67 ویں سالگرہ گھروں پرمنائیں۔