قومی بچت اسکیموں کے شرح منافع میں تبدیلی

حکومت نے قومی بچت اسکیموں (نیشنل سیونگز سرٹیفکیٹس) کے شرح منافع میں تبدیلی کردی ہے۔

بہبود سیونگ سرٹیفکیٹ پر شرح منافع 9.84 سے بڑھا کر 9.96 فیصد کردیا گیا ہے جب کہ پنشنرز بینیفٹ اکاؤنٹس اور شہداء فیملی ویلفیئر اکاؤنٹس پر بھی شرح منافع 9.84 سے بڑھا کر 9.96 فیصد کردیا گیا ہے۔

قومی بچت اسکیموں پر شرح منافع میں کمی

نیشنل سیونگز کی شرح منافع 48 سے 90 بیسس پوائنٹس تک کمی کردی گئی

ڈیفنس سیونگ سرٹیفکیٹ پر شرح منافع 8.05 فیصد سے بڑھا کر 8.11 فیصد مقرر کیا گیا ہے جب کہ ریگولر انکم سرٹیفکیٹ پر شرح منافع 7.44 فیصد سے بڑھا کر 7.60 فیصد مقرر کیا گیا ہے۔

دوسری جانب 3، 6 اور 12 ماہ کی مدت کے شارٹ ٹرم سیونگ سرٹیفکیٹس کے شرح منافع میں کمی کردی گئی ہے۔

3 ماہ کی مدت کے لیے شرح منافع 7.72 فیصد سے کم ہوکر 6.8 فیصد اور 6 ماہ کا شرح منافع 7.36 فیصد سے کم کرکے 6.76 فیصد مقرر کیا گیا ہے جب کہ 12 ماہ کی مدت کے سرٹیفکیٹ پر شرح منافع 7.30 فیصد سے کم کرکے 6.66 فیصد کردیا گیا ہے۔

شرح منافع میں کمی کا اطلاق 2 جولائی سے ہوگا۔