03 جولائی ، 2020 
اسد عمر کو کراچی ہمیں ملک بھر میں کورونا کیسز پر تشویش ہے، پیپلز پارٹی
03 جولائی ، 2020
کراچی میں کورونا کی صورتحال بہتر نہ ہونے کے حوالے سے اسد عمر کے بیان پر ردعمل دیتے ہوئے چیئرمین پیپلز پارٹی بلاول بھٹو زرداری کا کہنا ہے کہ سندھ میں کورونا سے صحت یاب ہونے والے مریضوں کی تعداد سب سے زیادہ ہے۔
بلاول کا کہنا ہے کہ ملک کے ایک لاکھ صحت یاب مریضوں میں سندھ کا تناسب 46 فیصد ہے۔
صوبائی وزیر تعلیم سعید غنی نے اپنے ردعمل میں کہا کہ اللہ کرے ملک میں حالات ویسے ہی ہوں جیسے اسد عمر بتارہے ہیں۔
انہوں نے کہا کہ اسد عمر کو کراچی پر تشویش ہے اچھی بات ہے لیکن ہمیں ملک بھر پر تشویش ہے۔
سعید غنی نے کہا کہ کورونا ٹیسٹ کی شرح سندھ میں پنجاب سے دو گنا زیادہ ہے اس لیے کیسز بھی زیادہ سامنے آرہے ہیں۔
خیال رہے کہ کورونا کے حوالے سے قائم نیشنل کمانڈ اینڈ کنٹرول سینٹر کے سربراہ اور وفاقی وزیر منصوبہ بندی اسد عمر نے اپنے بیان میں کہا ہے کہ کراچی کے علاوہ ملک بھر میں کورونا کی صورتحال بہتر ہورہی ہے۔
