میں اور اسد عمر وزارت عظمیٰ کے امیدوار نہیں، شاہ محمود

وزیر خارجہ شاہ محمود قریشی نے کہا ہے کہ وہ اور اسد عمر وزارت عظمیٰ کے امیدوار نہیں۔

'آپ دونوں تو وزیراعظم بننا چاہتے ہیں اس میں کیا شک ہے'، کابینہ اجلاس کی اندرونی کہانی

وفاقی کابینہ کے اجلاس میں بھی وفاقی وزیر سائنس اینڈ ٹیکنالوجی فواد چوہدری کے انٹرویو پر گرما گرم بحث ہوئی

ایک انٹرویو میں شاہ محمود قریشی نے کہا کہ جہانگیر ترین سے کبھی خلش نہیں رہی، نہ ہی اختلاف کا جواز بنتا ہے۔

گورنر پنجاب چوہدری محمد سرو کہتےہیں کہ جب جب تحر یک انصاف کی حکومت آئے گی عمران خان ہی وزیر اعظم ہوں گے، اتحادیوں نے بجٹ میں حکومت کا ساتھ دیا کوئی حکومت گرانے کی بات نہیں کر رہا۔

خیال رہے کہ گزشتہ ماہ وفاقی کابینہ کے اجلاس کے  دوران ایک موقع پر وفاقی وزیر برائے آبی وسائل فیصل واوڈا اسد عمر اور شاہ محمود قریشی پر برس پڑے تھے۔

فیصل واوڈا کا کہنا تھا کہ آپ دونوں تو وزیر اعظم بننا چاہتے ہیں، اس میں کیا شک ہے؟ آپ کی لڑائی سے حکومت کا نقصان ہوا ہے۔

انہوں نے ساتھی وزراء پر تنقید کرتے ہوئے کہا کہ کابینہ میں 'سب اچھا 'کی رپورٹ دی جاتی ہے جب کہ کارکردگی کچھ اور ہے۔