کراچی میں بجلی بارہ بارہ گھنٹے غائب، شہریوں کا صبر جواب دینے لگا
05 جولائی ، 2020
کراچی والوں پر کے الیکٹرک کی خاص مہربانی جاری ہے اور بارہ بارہ گھنٹے بجلی غائب ہونے کے باعث شہریوں کا صبر جواب دینے لگا۔
شہر قائد میں لوڈشیڈنگ سے مستثنیٰ علاقوں میں بھی بہانے بہانے سے بجلی بند کی جانے لگی۔
پاور ڈویژن کا کہنا ہے کہ طلب کے مطابق کے الیکٹرک کو نیشنل گرڈ سے 800 میگاواٹ بجلی دی جارہی ہے۔
دوسری جانب کے الیکٹرک کے سی ای او مونس علوی کہتے ہیں ان کے ادارے کے پاس 3200 میگا واٹ سے زیادہ کی صلاحیت نہیں جب کہ ڈیمانڈ 3600 میگا واٹ تک جانے کی وجہ سے لوڈشیڈنگ سے مستثنیٰ علاقوں میں بھی لوڈ شیڈنگ کرنی پڑتی ہے۔
کے الیکٹرک کے سی ای او مونس علوی نے جیو نیوز کے پروگرام 'نیا پاکستان' میں دعویٰ کیا کہ اس وقت کراچی میں موسم اچھا ہے اس لیے لوڈ شیڈنگ نہیں کر رہے۔
