05 جولائی ، 2020 
امریکی صدارتی امیدوار جو بائیڈن کی زبان اپنی اہلیہ کیلئے پھسل گئی
05 جولائی ، 2020
امریکا کے صدارتی امیدوار جو بائیڈن کی زبان پھر پھسل گئی اور وہ خود کو جوبائیڈن کہنے کے بجائے جوبائیڈن کا شوہر کہہ بیٹھے۔
77برس کے جوبائیڈن نے سماجی رابطوں کی ویب سائٹ کے ذریعے ایک تقریب میں شرکت کی جسے نیشنل ایجوکیشن اسوسی ایشن نے منعقد کیا تھا۔
تقریب کی میزبان نے بائیڈن کا تعارف کراتے ہوئے جوبائیڈن کی اہلیہ کا ذکر کی اور شرکاء کو بتایا کہ جِل بائیڈن بھی اسی ایسوسی ایشن کی رکن رہی ہیں۔
بائیڈن اسکرین پر آئے تو اپنی بیوی کا نام لے کر یہ کہنے کی بجائے کہ وہ جل بائیڈن کے شوہر ہیں، یہ کہہ دیا کہ وہ جو بائیڈن کے شوہر ہیں، انہیں زبان پھسلنے کا احساس تک نہ ہوا اورغلطی درست نہ کی۔
اس سے قبل مارچ میں بھی بائیڈن کی زبان اس وقت پھسل گئی تھی جب وہ امریکا کے اعلان آزادی پربات کر رہے تھے۔
مئی میں ایک اور تقریب سے خطاب میں بھی وہ سچائی اور حقیقت کے معنوں میں تفریق نہ کرسکے تھے۔
جوبائیڈن کی انہی غلطیوں کی وجہ سے صدرٹرمپ انہیں نیند میں دھت شخص کہہ کر پکارتے رہے ہیں اور ری پبلکنز ان کے خلاف اشتہاربھی جاری کرچکےہیں۔
صدرٹرمپ نے پچھلےہفتے ہی کہا تھا کہ جوبائیڈن کو اپنا ٹیسٹ کرالینا چاہیے لیکن یہ طے ہے کہ وہ پاس نہیں ہوں گے۔
تاہم ایسی غلطیاں کرنے کے باوجود اس وقت جوبائیڈن صدرٹرمپ کے مقابلے زیادہ مقبول ہیں۔
فاکس نیوزکےمطابق صدر ٹرمپ کی مقبولیت 38 اور جوبائیڈن کی مقبولیت 50 فیصد ہے۔
مزید خبریں :
مکہ مکرمہ، طائف اور دیگر سعودی شہروں میں موسلا دھار بارش
25 نومبر ، 2024
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
25 نومبر ، 2024
