انسداد ٹڈی دَل کیلئے سندھ کو 60 کروڑ ملے، اس نے گاڑیاں خرید لیں: حلیم عادل
05 جولائی ، 2020
پاکستان تحریک انصاف کے پارلیمانی رہنما حلیم عادل شیخ نے الزام عائد کیا ہے کہ ٹڈی دَل کے خاتمے کے لیے سندھ حکومت کو 60 کروڑ روپے ملے جن سے اس نے اسپرے مشین یا ادویات خریدنے کی جگہ گاڑیاں خریدیں۔
پی ٹی آئی رہنما حلیم عادل شیخ نے مورو میں پی ٹی آئی ورکرز سے خطاب میں کہا کہ احساس ایمرجنسی پروگرام کے تحت سندھ کے 50 لاکھ خاندانوں کو 60 ارب روپے دیے۔
حلیم عادل شیخ کا کہناتھا کہ ٹڈی دل کے خاتمے کے لیے سندھ حکومت کو 60 کروڑ روپے ملے، جن سے اسپرے مشین یا ادویات خریدنے کی جگہ گاڑیاں خریدی گئیں۔
انہوں نے کہا کہ اتنی رقم دینا ملکی تاریخ کا سب سے بڑا ریکارڈ ہے جب کہ سندھ حکومت راشن کی جگہ بھاشن دیتی رہی۔
