پنجاب کے بعد کراچی میں بھی کورونا کے کیسز میں کمی آنا شروع

پنجاب کے بعد کراچی میں بھی کورونا کے کیسز میں کمی آنا شروع ہوگئی، شہر کے اسپتالوں میں یومیہ کی بنیاد پر مریضوں کی تعداد کم ہونے لگی ہے۔

محکمہ صحت نے وزیراعلیٰ سندھ کو اس حوالے سے اپنی رپورٹ پیش کردی ہے جس کے مطابق شہر کے نجی اور سرکاری اسپتالوں میں 1303 آکسیجن بیڈز میں سے 984 خالی ہیں۔

پنجاب میں کورونا کے مریضوں میں واضح کمی آنا شروع

حکومت پنجاب نے عالمی ادارہ صحت کی نئی گائیڈ لائن جاری ہونے کے بعد علامات کے بغیر کورونا ٹیسٹ کرنا بند کردیے

اسی طرح نجی اور سرکاری اسپتالوں میں کورونا کے کل 370 وینٹی لیٹرز میں سے 154 خالی ہیں۔

شہر کے بڑے اسپتالوں کی بات کی جائے تو سول اسپتال کے 161 آکسیجن بیڈز میں سے 121 خالی ہیں جبکہ قرنطینہ کے 47 بیڈز میں سے بھی صرف 4 پر مریض موجود ہیں۔

لیاری جنرل اسپتال کے 155 آکسیجن بیڈز میں سے صرف 24 پر مریض ہیں۔ لیاری جنرل اسپتال میں 31 وینٹی لیٹرز میں سے بھی صرف 6 پر مریض ہیں۔

کراچی بے نظیر ٹراما سینٹر میں 34 آکسیجن بیڈز میں سے صرف 10 پر مریض ہیں۔ ٹراما سینٹر میں 26 وینٹی لیٹرز میں سے 21 پر مریض ہیں۔

اوجھا اسپتال کے 92 آکسیجن بیڈز میں سے 54 خالی پڑے ہیں جبکہ 28 وینٹی لیٹر میں سے صرف 4 پر مریض ہیں۔

پنجاب میں ٹیسٹ کرنا کم کردیے اور کہتے ہیں کورونا نیچے آگیا، سعید غنی

ٹرمپ نے کہا تھا کہ ٹیسٹ کم کریں تو کیسز کم رپورٹ ہوں گے، یہ بھی ٹرمپ کی طرح ایک فلسفے ایک نظریے پر چل رہے ہیں، وزیر تعلیم سندھ

ایکسپو فیلڈ اسپتال کے 140 آکسیجن بیڈز  میں سے 130 خالی ہیں۔ ایکسپو فیلڈ اسپتال کے تمام 10 وینٹی لیٹرز بھی خالی پڑے ہیں۔

رپورٹ کے مطانق جناح اسپتال کے 92 آکسیجن بیڈز میں سے 54 خالی پڑے ہیں اور انڈس اسپتال کے 62 آکسیجن بیڈز میں سے 34 خالی ہیں۔

جناح اور انڈس اسپتال کے تمام 44 وینٹی لیٹرز پر مریض موجود ہیں۔