15 جولائی ، 2020 
اب بینکوں کو مجموعی قرض کا کم سے کم 5 فیصد ہاؤسنگ سیکٹر کو دینا ہوگا
15 جولائی ، 2020
اسٹیٹ بینک آف پاکستان نے ہاؤسنگ اور تعمیراتی فنانسنگ بڑھانے کے لیے بینکوں کو لازمی اہداف دے دیے، اورحکومت کو رئیل اسٹیٹ ریگولیٹری اتھارٹی قائم کرنے کی تجویز دی ہے۔
اسٹیٹ بینک کے اعلامیے کے مطابق بینکوں پر لازم ہوگا کہ وہ دسمبر 2021 تک نجی شعبےکی مجموعی قرض گیری کا کم از کم 5 فیصد ہاؤسنگ شعبے کو فراہم کریں۔
مرکزی بینک کا اقدم حکومت پاکستان کے تعمیراتی شعبے کی ترقی کے مطابق ہے۔ بینکوں سے اہداف کے حصول کے لیے ٹھوس لائحہ عمل پیش کرنے کی ہدایت بھی کی گئی ہے جس میں سہ ماہی اہداف، مصنوعات کی تشکیل، میڈیا میں تشہیر، ٹیکنالوجی انفراسٹرکچر اور عملے کی صلاحیت بڑھانا شامل ہے۔
بینکوں کو یہ ہدایت بھی کی گئی ہے کہ ستمبر 2020ء سے ماہانہ بنیاد پر ان اہداف کے مطابق منظوریوں اور رقوم کے اجراء کے اعدادوشمار سے مطلع کریں۔
اسٹیٹ بینک کے مطابق قرقی کے قانون کی مناسب طور پر منظوری اور اس کا مؤثر نفاذ، اراضی اور جائیداد کے ریکارڈ کی کمپیوٹرائزیشن، ڈویلپرز اور بلڈرز کے موزوں معیارات کو یقینی بنانے کے حوالےسے بینکوں کی تشویش دور کرنے کے لیے رئیل اسٹیٹ ریگولیٹری اتھارٹی (ریرا) کا قیام اور جائیداد کی منتقلی سے متعلقہ ٹرانزیکشن لاگت میں کمی سے ہاؤس فنانسنگ کو پذیرائی ملے گی۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
