16 جولائی ، 2020 
بچے کے دل میں گھسے چاقو کو کامیاب آپریشن کے بعد نکال لیا گیا
16 جولائی ، 2020
قومی ادارہ برائے امراضِ قلب (این آئی سی وی ڈی) میں ڈاکٹروں نے 10 سالہ بچے کے دل میں گھسے چاقو کو کامیاب آپریشن کے بعد نکال لیا۔
اہل خانہ کے مطابق بچے آپس میں کھیل رہے تھے کہ اس دوران اتفاقیہ طور پر ایک بچے کے سینے میں چاقو گھس گیا جس کے بعد زخمی بچے کو کراچی کے مختلف سرکاری اور نجی اسپتالوں میں لے گئے مگر سب نے جواب دے دیا۔
والدین کے مطابق پھر بچے کو این آئی سی وی ڈی لے کر آئے جہاں ڈاکٹرز نے فوری طور پر بچے کے دل کا پچیدہ آپریشن کر کے اس کی زندگی بچا لی۔
ترجمان اسپتال کے مطابق اس پیچیدہ آپریشن میں این آئی سی وی ڈی کے پیڈیاٹرک کارڈیک سرجن سہیل بنگش، ڈاکٹر عبدالستار شیخ اور اینستھیزیالوجسٹس ڈاکٹر محمد امین خواجہ نے حصہ لیا۔
بچے کی زندگی اب خطرے سے باہر ہے، اسے جلد آئی سی یو سے وارڈ میں شفٹ کیا جائے گا اور بعد میں اسپتال سے ڈسچارج کیا جائے گا۔
مزید خبریں :
ہڈیوں کو کمزور بنا دینے والی عام غلطیاں جو بیشتر افراد کرتے ہیں
22 دسمبر ، 2024
کیا زیادہ پانی پینے سے صحت کو فائدہ ہوتا ہے؟
22 دسمبر ، 2024
چینی سائنسدانوں کی اہم پیشرفت، بڑھاپا ماضی کا قصہ بننے کے قریب
22 دسمبر ، 2024
توند کی چربی گھلانے کے لیے ہر ہفتے کتنی ورزش کرنی چاہیے؟
20 دسمبر ، 2024
آپ کی وہ عام عادت جو گردوں کے تکلیف دہ امراض کا شکار بنادیتی ہے
20 دسمبر ، 2024
