وفاقی حکومت کا عید الاضحیٰ پر 3 دن کی چھٹی دینے کا فیصلہ

وفاقی حکومت نے عید الاضحیٰ پر 3 دن کی تعطیلات دینے کا فیصلہ کیا ہے۔

وزیراعظم عمران خان کے معاون خصوصی برائے سیاسی روابط شہباز گِل نے بتایا کہ وفاقی حکومت نے عید پر 3 دن کی تعطیلات دینے کا فیصلہ کیا ہے اور یہ چھٹیاں جمعہ 31 جولائی، ہفتہ یکم اگست اور اتوار 2 اگست کی ہوں گی۔

عید الاضحیٰ پر حکومت کی جانب سے صرف ایک چھٹی دیے جانے کا امکان

وزیراعظم عمران خان نے ہدایت کی ہے کہ عید کے مخصوص دنوں کےعلاوہ کوئی اضافی چھٹی نہ دی جائے

وفاقی وزارت داخلہ نےعیدالاضحیٰ کی چھٹیوں کا نوٹیفیکیشن جاری کردیا ہے جس کے مطابق عیدالاضحیٰ پر 31جولائی سے 2 اگست تک چھٹیاں ہوں گی۔

خیال رہے کہ ملک بھر میں عید الاضحیٰ یکم اگست بروز ہفتہ ہوگی اور 3 اگست کو عید کا تیسرا روز ہوگا لیکن وفاقی حکومت نے عید کے تیسرے دن کی چھٹی نہیں دی۔

گزشتہ دنوں وزیراعظم عمران خان نے ہدایت کی تھی کہ عید کے مخصوص دنوں کےعلاوہ کوئی اضافی چھٹی نہ دی جائے اور انہوں نے عوام سے اپیل کی تھی کہ عید سادگی سے منائی جائے۔