افغان طالبان نے کابل انتظامیہ کے مزید اہلکار رہا کردیے

طالبان نے بین الافغان مذاکرات کے عمل کو آگے بڑھانے کے لیے کابل انتظامیہ کے مزید اہلکار رہا کردیے۔

قطر میں افغان طالبان کے سیاسی دفتر کے ترجمان سہیل شاہین نے ٹوئٹ میں بتایا کہ افغان فوج اور پولیس سے تعلق رکھنے والے مزید 37 اہلکاروں کو رہا کیا گیا۔

انہوں نے بتایا کہ صوبہ تخار سے 20 اور قندوز سے 17 قیدیوں کو رہا کیے جنہیں گھر جانے کے لیے سفری اخراجات بھی دیے گئے۔

طالبان کی عید کے بعد بین الافغان مذاکرات میں شرکت کیلئے مشروط آمادگی

افغان حکومت فراہم کردہ فہرست میں شامل تمام قیدیوں کو رہاکرے تو جواب میں بقیہ تمام سیکیورٹی اہلکاروں کو رہا کرنے کو تیار ہیں: سہیل شاہین

خیال رہے کہ گزشتہ دنوں ہی افغان طالبان نے عید الاضحیٰ کے بعد بعد بین الافغان مذاکرات میں شرکت کے لیے مشروط آمادگی ظاہر کی تھی۔

خیال رہے کہ گذشتہ دنوں افغان حکومت کی جانب سے بیان سامنے آیا تھا کہ ان کی جانب سے 4 ہزار سے زائد طالبان کو رہا کیا جاچکا ہے تاہم طالبان کی جانب سے فراہم کی گئی فہرست کے 600 قیدیوں کو ان پر قائم جنگی نوعیت کے مقدمات کی وجہ سے رہا نہیں کیا جاسکتا۔