ملک میں سونے کی فی تولہ قیمت میں 5100 روپے کا اضافہ

ملک میں سونے کی قیمت میں مسلسل اضافے کا سلسلہ جاری ہے اور سونے کی فی تولہ قیمت تاریخ کی بلند ترین سطح پر پہنچ گئی ہے۔

عالمی مارکیٹ میں سونا مہنگا ہونے کے بعد ملک میں سونے کی فی تولہ قیمت میں 5 ہزار ایک سو روپے کا اضافہ ہواہے جس کے بعد فی تولہ سونے کی قیمت 1 لاکھ 23 ہزار 800 روپے ہوگئی ہے۔

سونے کی قیمت میں اضافہ کیا ہے؟ کیا یہ مزید بڑھے گی؟

عالمی مارکیٹ میں سونے کی قیمتیں ستمبر 2011 کے بعد تاریخ کی بلند ترین سطح پر ہیں۔

عالمی صرافہ مارکیٹ میں سونےکی قیمت 46 ڈالربڑھ کر 1 ہزار 942 ڈالر فی اونس ہوگئی ہے جوکہ ستمبر 2011 کے بعد تاریخ کی نئی بلند ترین سطح ہے۔

ماہرین کے مطابق سونے کی قیمتوں میں پر لگنے کی وجوہات امریکا اور چین کے درمیان گزشتہ ایک ہفتے کے دوران بڑھنے والی کشیدگی، ڈالر کی قدر میں کمی اور کورونا کی وجہ سے پیدا ہونے والا معاشی بحران ہے۔

سونا تاریخ کی نئی بلندیوں پر پہنچ گیا، ڈالر سستا

سونے کی فی تولہ قیمت میں 2250 روپے اضافہ ہوا ہے جس کے بعد ملک میں فی تولہ سونے کی قیمت 1 لاکھ 13 ہزار 500 روپے ہوگئی ہے

غیر یقینی صورت حال کی وجہ سے سرمایہ کار اپنا پیسہ اس چیز میں منتقل کر رہے ہیں جو کہ ان کے لیے زیادہ محفوظ ہے۔

امریکی جریدے فوربز کی رپورٹ کے مطابق سونے کی قیمتوں میں ابھی اور اضافہ متوقع ہے اور ہوسکتا ہے کہ اس کی قیمت 2 ہزار ڈالرز فی اونس تک پہنچ جائے۔